ছয়গাৱৰ চাম্পুপাৰা বজাৰত ভয়ংকৰ অগ্নিকাণ্ড, কেইবাখনো দোকান ভস্মীভূত

News18 Assam | News18-Assam
Updated:August 19, 2020, 3:46 PM IST
ছয়গাৱৰ চাম্পুপাৰা বজাৰত ভয়ংকৰ অগ্নিকাণ্ড, কেইবাখনো দোকান ভস্মীভূত
অগ্নিকাণ্ডত প্ৰায় ৪০ লক্ষাধিক টকাৰ সা-সামগ্ৰী ভস্মীভূত হোৱা বুলি জানিব পৰা গৈছে৷

অগ্নিকাণ্ডত প্ৰায় ৪০ লক্ষাধিক টকাৰ সা-সামগ্ৰী ভস্মীভূত হোৱা বুলি জানিব পৰা গৈছে৷

  • Share this:
দক্ষিণ কামৰূপৰ বকো বিধানসভা সমষ্টিৰ অন্তৰ্গত চাম্পুপাৰা বজাৰত ভয়ংকৰ অগ্নিকাণ্ডৰ ঘটনা ৷ অগ্নিকাণ্ডত বজাৰখনৰ চাৰিখনকৈ দোকান নিমিষতে পুৰি ছাই হয় ৷ স্থানীয় ৰাইজৰ তৎপৰতাত কথমপি ৰক্ষা পৰে শতাধিক ব্যৱসায়িক প্ৰতিষ্ঠান৷ বজাৰখনৰ ময়নুল হকৰ দোকানৰ কাষত থকা বিদ্যুতৰ ট্ৰেন্সফৰ্মাৰৰ পৰা শ্বৰ্ট-চাৰ্কিট হৈ জুইৰ সূত্ৰপাত হোৱা বুলি ৰাইজে সন্দেহ প্ৰকাশ কৰিছে৷

ঘটনাস্থলীত জোৰশিমুলী আৰু গৰৈমাৰী আৰক্ষী উপস্থিত হৈ ঘটনাৰ বুজ লয়৷ ঘটনা সম্পৰ্কে অগ্নিনিৰ্বাপক বাহিনীক অৱগত কৰোৱাৰ পিছতো অগ্নিনিৰ্বাপক বাহিনী উপস্থিত নোহোৱাত ৰাইজে ক্ষোভ প্ৰকাশ কৰে৷ অগ্নিকাণ্ডত প্ৰায় ৪০ লক্ষাধিক টকাৰ সা-সামগ্ৰী ভস্মীভূত হোৱা বুলি জানিব পৰা গৈছে৷ অগ্নিকাণ্ডত ময়নুল আলীৰ ইলেকট্ৰ’নিকছৰ সামগ্ৰীৰ দোকান, ছলেমন আলীৰ গেলামাল দোকান, আফজালুৰ ৰহমানৰ কাপোৰৰ দোকান আৰু আবু তাহেৰৰ গেলামান দোকান সম্পূৰ্ণ ৰূপে ভষ্মীভূত হয়৷
Published by: Sanjay Kumar Das
First published: August 19, 2020, 3:46 PM IST
আৰু চাওক
পৰৱৰ্তী বাতৰি

শেহতীয়া বাতৰি