Barpeta News: বৰপেটা চহৰৰ মুছলিমপট্টিত ভয়ংকৰ অগ্নিকাণ্ড, লক্ষাধিক টকাৰ সম্পত্তি ভস্মীভূত

বৰপেটা চহৰৰ মুছলিমপট্টিত অগ্নিকাণ্ড ৷ মুছলিমপট্টিৰ এখন বেগৰ দোকানৰ পৰা অগ্নিকাণ্ডৰ সূত্ৰপাত হয় বুলি জানিব পৰা গৈছে ৷

বন্ধ দোকানগৃহৰ ভিতৰৰ পৰা ধোৱা ওলাই থকা প্ৰত্যক্ষ কৰি স্থানীয় লোকে খবৰ দিয়ে অগ্নিনিৰ্বাপক বাহিনীক ৷ ততালিকে আৰক্ষী আৰু অগ্নিনিৰ্বাপক বাহিনী উপস্থিত হৈ নিৰ্বাপিত কৰে জুই ৷

বেগৰ দোকানখনৰ লগতে কাষত থকা আন দুখন কাপোৰৰ দোকানৰো ক্ষতিসাধন হৈছে ৷
সন্দেহ কৰা মতে বিদ্যুতৰ শ্বৰ্ট চাৰ্কিটৰ পৰাই জুইৰ সূত্ৰপাত ঘটে ৷ বেগৰ দোকানখনত প্ৰায় ১০ লক্ষাধিক টকাৰ ক্ষতিসাধন হৈছে ৷ স্থানীয় লোকে জনোৱা মতে, মাজ নিশা অগ্নিকাণ্ডৰ সূত্ৰপাত হ'লে চহৰখন বৃহৎ ক্ষতিৰ সন্মুখীন হ'লহেতেন ৷

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।