Cabinet Decision : বৰচলাত উচ্ছেদ কৰা ভূমিত ৫০ মেগাৱাটৰ ছ'লাৰ পাৰ্ক নিৰ্মাণ, ৰাজ্যৰ কেবিনেটত আৰু বহু গুৰুত্বপূৰ্ণ সিদ্ধান্ত
মন্ত্ৰী জয়ন্তমল্ল বৰুৱাই সংবাদমেলত সদৰী কৰে কেবিনেটৰ সিদ্ধান্ত
সম্পৰ্কীয় বাতৰি
শীঘ্ৰে সাগৰমালা আঁচনিৰ যোগেদি গুৱাহাটীৰ আশে-পাশে ব্ৰহ্মপুত্ৰৰ পাৰত থকা ৫ মন্দিৰ থানৰ বাবে আৰম্ভ হ'ব ফেৰীসেৱা ৷ সমান্তৰালকৈ ফেৰীৰ পৰা কামাখ্যা দৰ্শনৰ বাবে কৰা হ'ব লিফ্টৰ দৰে ব্যৱস্থা ৷
বৃহস্পতিবাৰে হোৱা কেবিনেটত পৰ্যটনকে ধৰি কেইবাটাও সিদ্ধান্ত গ্ৰহণ কৰে ৰাজ্য চৰকাৰে ৷ বৃস্পতিবাৰে অনুষ্ঠিত কেবিনেটত গ্ৰহণ কৰা হয় কেইবাটাও গুৰুত্বপূৰ্ণ সিদ্ধান্ত ৷ ৰাজ্যৰ পৰ্যটন উদ্যোগক আগবঢ়োৱাৰ বাবে লোৱা হৈছে এই ব্যৱস্থা ৷
কামাখ্যা মন্দিৰ,উমানন্দ মন্দিৰ,পাণ্ডুনাথ,অশ্বক্লান্ত আৰু দৌল গৌবিন্দ থানক লৈ ব্ৰহ্মপু্ত্ৰত আৰম্ভ হ'ব ফেৰী সেৱা। কেন্দ্ৰীয় চৰকাৰ আৰু ৰাজ্য চৰকাৰে যুটীয়াভাৱে আৰম্ভ কৰিব এই সাগৰমেলা আঁচনি, য'ত থাকিব কামাখ্যা মন্দিৰলৈ ২ পৰা ৩ মিনিটৰ ভিতৰত ব্ৰহ্মপুত্ৰ পাৰৰ পৰা যাবলৈ লিফ্টৰ দৰে ব্যৱস্থা, য'ত ৰাজ্য চৰকাৰৰ অংশীদাৰিত্ব থাকিব ৪৫ শতাংশ ৷
কাৰিকৰী শিক্ষা ক্ষেত্ৰতো লোৱা হৈছে বিশেষ সিদ্ধান্ত ৷ অষ্টম শ্ৰেণী পিছত কাৰিকৰী এবছৰীয়া পাঠ্যক্ৰম পঢ়া ছাত্ৰ-ছাত্ৰীসকলক আন পাঠ্যক্ৰমৰ সমান মৰ্যাদা দিয়াৰ বাবে সিদ্ধান্ত লোৱা হৈছে ৷ অষ্টম শ্ৰেণীৰ কাৰিকৰী শিক্ষা লোৱাসকলৰ শিক্ষা মেট্ৰিকৰ সমপৰ্যায়ৰ হ'ব ৷
দশম শ্ৰেণীৰ পিছত দুবছৰীয়া পাঠ্যক্ৰম লোৱাসকলৰ ক্ষেত্ৰত হাইস্কুল শিক্ষান্ত সমপৰ্যায়ৰ হ'ব৷ লগতে কাৰিকৰী বোৰ্ডক ছেবা আৰু অসম মাধ্যমিক শিক্ষা পৰিষদৰ সমপৰ্যায়ৰ কৰাৰো ব্যৱস্থা গ্ৰহণ কৰা হ'ব ৷ সমান্তৰালকৈ ঢেকীয়াজুলিৰ বৰচলাত উচ্ছেদ কৰা ভূমিত ৫০ মেগাৱাটৰ ছ'লাৰ পাৰ্ক নিৰ্মাণ কৰাৰ সিদ্ধান্ত গ্ৰহণ কৰে৷
৪৪৬২ কোটি টকা ব্যয় সাপেক্ষে ৪৪ লাখ ঘৰত লগোৱা হ'ব বিদ্যুতৰ স্মাৰ্ট মিটাৰ, যাৰ দ্বাৰা লাভ হ'ব ৫ হাজাৰ টেকনিচিয়ানক চাকৰি দিয়া আৰু ২ হাজাৰ ৰিচাৰ্জ এজেন্টৰ বাবে সুবিধা হ'ব ৷ লগতে কন্ট্ৰলাৰ অফ লিগেল মেট্ৰলজী আৰু খাদ্য আৰু অসামৰিক যোগান বিভাগক একগোট কৰাৰ সিদ্ধান্ত লোৱা হ'ব ৷
দুয়োটা বিভাগ খাদ্য আৰু অসামৰিক যোগান বিভাগৰ লগত একেলগে কাম কৰিব ৷ কেবিনেটত NDRFক হাজোৰ সমীপত ২২৭ বিঘা ভূমি বেটেলিয়ন কেম্প বনোৱাৰ অনুমোদন ৷ লগতে মিছন বসুন্ধৰাৰ আবেদনৰ দিশ ১০ জানুৱাৰীৰ পৰা ৩১ মাৰ্চলৈ বৃদ্ধি কৰাৰ সিদ্ধান্ত লোৱাৰ লগতে মীমাংসা কৰাৰ তাৰিখ আগষ্টৰ পৰা ১৪ নৱেম্বৰলৈ বৃদ্ধি কৰাৰ সিদ্ধান্ত লোৱা হয় ৷
ইয়াৰ উপৰি ৰাজ্যৰ পৰিদৰ্শক পৰ্যায়ৰ ভাৰপ্ৰাপ্ত বিষয়া থকা আৰক্ষী থানাসমূহৰ বিষয়াসকলক জিলাৰ ভিতৰত বদলি কৰাৰ কৰ্তৃত্ব প্ৰদান কৰিব আৰক্ষী আয়ুক্তকে ধৰি জিলা আৰক্ষী অধীক্ষকসকলক ৷
অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।
