আকৌ আৰম্ভ...! ‘CAAৰ বিৰুদ্ধে এক হওক অসমীয়া জাতি’–গীতেৰে আহ্বান জনালে মানস ৰবীনে, চাওক Video

News18 Assam | News18-Assam
Updated:February 23, 2020, 2:35 PM IST
আকৌ আৰম্ভ...! ‘CAAৰ বিৰুদ্ধে এক হওক অসমীয়া জাতি’–গীতেৰে আহ্বান জনালে মানস ৰবীনে, চাওক Video
২০১৯ চনৰ ডিচেম্বৰ মাহত আৰম্ভ হোৱা আন্দোলনে অতিক্ৰম কৰিলে আঢ়ৈ মাহৰ।

২০১৯ চনৰ ডিচেম্বৰ মাহত আৰম্ভ হোৱা আন্দোলনে অতিক্ৰম কৰিলে আঢ়ৈ মাহৰ।

  • Share this:
ৰাজ্যত অব্যাহত আছে নাগৰিকত্ব সংশোধনী আইনৰ বিৰুদ্ধে প্ৰতিবাদ। কিন্তু আগতকৈ যেন এতিয়া কিছু হ্ৰাস পাইছে আন্দোলনৰ জোৰ। ২০১৯ চনৰ ডিচেম্বৰ মাহত আৰম্ভ হোৱা আন্দোলনে অতিক্ৰম কৰিলে আঢ়ৈ মাহৰ। অসমীয়া জাতিৰ প্ৰতি ভাবুকি কঢ়িয়াই আনিব বুলি কব বিচৰা নাগৰিকত্ব সংশোধনী আইনৰ বিৰুদ্ধে দুগুণ শক্তিৰে আকৌ এবাৰ সমগ্ৰ অসমীয়া জাতিক আগবাঢ়ি আহিবলৈ গীতেৰে আহ্বান জনালে শিল্পী মানস ৰবীনে।

মানস ৰবীনে কয় যে, ‘ নাগৰিকত্ব সংশোধনী আইন ২০১৯ৰ প্ৰতিবাদী আন্দোলনে আজি প্ৰায় আঢ়ৈ মাহ অতিক্ৰম কৰিলে । সংগ্ৰামত আঢ়ৈমাহ নিচেই কম সময় ,তথাপিও সংগ্ৰামৰ বাটত ৰাইজ মাজে মাজে থমকি ৰোৱাটো সাধাৰণ কথা। থমকি ৰোৱা ৰাইজক আগবাঢ়ি যাবৰ বাবে মনত শক্তি আৰু সাহস সংগ্ৰামৰ নেতৃত্বই যোগান ধৰিব লাগিব। পিছে সেই সংগ্ৰামী নেতৃত্বৰ মাজতেই যেতিয়া বিভেদ আৰু সন্দেহৰ বীজ ৰোপণ কৰি আন্দোলনটোক ধ্বংস কৰাৰ বাবে শাসকপক্ষই প্ৰচেষ্টা চলাই, সামান্য পৰিমাণে সফল হয় তেতিয়া সংগ্ৰামী নেতা আৰু সংগ্ৰামী ৰাইজৰ প্ৰত্যেকৰে কান্ধত ধৈৰ্য আৰু একাগ্ৰতাৰে সংগ্ৰাম খনক আগুৱাই লৈ যোৱাৰ দ্বায়িত্ব আহি পৰে ।’


শুনক গীতটো



মানস ৰবীনে লগতে কয় যে, ‘ নাগৰিকত্ব সংশোধনী আইন ২০১৯ৰ প্ৰতিবাদী সংগ্ৰামখনৰ এৰি অহা উৎসাহী পৰিৱেশ আৰু পৰিস্থিতিখিনি পুনৰ এবাৰ পৰ্য্যবেক্ষণ কৰাৰ সময় আহি পৰিছে । যোৱা ১০,১১,১২ আৰু ১৩ ডিচেম্বৰত সংগ্ৰামী অসমীয়াই শাসকপক্ষৰ বুকু কঁপাই থৰকাছুটি হেৰুৱাই দিয়া পৰিস্থিতিখিনিলৈ সকলোৱে মনত পেলাওঁক আৰু আমাৰ ঐক্যবদ্ধ শক্তিৰ কিমান জোৰ নিজে নিজে উমান লওঁ আহক।’
আৰু চাওক
পৰৱৰ্তী বাতৰি
corona virus btn
corona virus btn
Loading