প্ৰথমে ভতিজাকক ডিঙি কাটি হত্যা, তাৰ পিছত ভতিজাকৰ পত্নীকো আক্ৰমণ, হোজাইত চাঞ্চল্য

News18 Assam | News18-Assam
Updated:November 19, 2020, 3:52 PM IST
প্ৰথমে ভতিজাকক ডিঙি কাটি হত্যা, তাৰ পিছত ভতিজাকৰ পত্নীকো আক্ৰমণ, হোজাইত চাঞ্চল্য
হত্যাকাণ্ড সংগঠিত কৰি সুৰুজ আলীয়ে হত্যাকাণ্ড সংগঠিত কৰা অস্ত্ৰ লৈ নিশাই ৰাজপথেৰে খোজ কাঢ়ি গৈ শংকৰদেৱ নগৰ উপ–আৰক্ষী চকীত আত্মসমৰ্পণ কৰে৷

হত্যাকাণ্ড সংগঠিত কৰি সুৰুজ আলীয়ে হত্যাকাণ্ড সংগঠিত কৰা অস্ত্ৰ লৈ নিশাই ৰাজপথেৰে খোজ কাঢ়ি গৈ শংকৰদেৱ নগৰ উপ–আৰক্ষী চকীত আত্মসমৰ্পণ কৰে৷

  • Share this:
হোজাই নীলবাগানৰ আশীনগৰত চাঞ্চ্যল্যকৰ হত্যাকাণ্ডক লৈ উত্তেজনা।পাৰিবাৰিক কন্দলৰ বাবেই বাবে নিজ খুৰাকে দাৰে ঘপিয়াই হত্যা কৰিলে ভতিজাক৷ হোজাইৰ নীলবাগানৰ আশীনগৰত যোৱানিশা সংঘটিত হয় এই হত্যাকাণ্ড। নিশা ২ মান বজাত শোৱাপাটিতে জাকিৰ হুছেইন নামৰ লোকজনক নিজ খুৰাকে চোকা দাৰে ডিঙি কাটি নিৰ্মমভাৱে হত্যা কৰে৷ ইমানতে ক্ষান্ত নাথাকি জাকিৰ হুছেইনৰ পত্নীকো হত্যা কৰিবলৈ চেষ্টা চলায় হত্যাকাৰী খুৰাক সুৰুজ আলীয়ে৷

হত্যাকাণ্ড সংগঠিত কৰি সুৰুজ আলীয়ে হত্যাকাণ্ড সংগঠিত কৰা অস্ত্ৰ লৈ নিশাই ৰাজপথেৰে খোজ কাঢ়ি গৈ শংকৰদেৱ নগৰ উপ–আৰক্ষী চকীত আত্মসমৰ্পণ কৰে৷ মৃত জাকিৰ হুছেইন মাছ ব্যৱসায়ীৰ লগতে এজন অমায়িক স্বভাৱৰ লোক আছিল বুলি স্থানীয় লোকে জানিবলৈ দিয়ে৷ জাকিৰক হত্যা কৰা কাণ্ডক লৈ সহজভাৱে মানি লব পৰা নাই ৰাইজে৷

গাঁৱৰ ৰাইজে হত্যাকাৰীক ফাঁচিৰ দাবী তুলি  নীলবাগান আৰক্ষী পহৰা চকী ঘেৰাও কৰি উত্তাল প্ৰতিবাদ সাব্যস্ত কৰে৷ পিছত হোজাই থানাৰ ভাৰপ্ৰাপ্ত বিষয়াই উত্তেজিত ৰাইজক বুজনি দি পৰিস্থিতি নিয়নন্ত্ৰণ কৰে। স্থানীয় ৰাইজে আৰু পৰিয়ালৰ লোকে জানিবলৈ দিয়া মতে, পাৰিবাৰিক কন্দলৰ বাবেই এই হত্যাকাণ্ড কৰে লোকজনে।
Published by: Sanjay Kumar Das
First published: November 19, 2020, 3:51 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading