কৰিমগঞ্জৰ বদৰপুৰত নৃশংস হত্যাকাণ্ড, দাৰে ঘপিয়াই হত্যা এজন লোকক

দশমীৰ নিশা কৰিমগঞ্জৰ বদৰপুৰত চাঞ্চল্যকৰ হত্যাকাণ্ড। নিজ ঘৰতেই দাৰে ঘপিয়াই এগৰাকী বৃদ্ধক হত্যা কৰিলে দুৰ্বৃত্তই। দাৰে ঘপিয়াই ষাঠি বছৰীয়া মাছুকুৰ ৰহমান নামৰ লোকজনক হত্যা। বদৰপুৰৰ ভাংগা এলাকাৰ দক্ষিণকুল গাঁৱত এই লোমহৰ্ষক হত্যাকাণ্ড সংঘটিত হয়। মৃতদেহৰ কাষত উদ্ধাৰ হয় এখন ৰক্তাক্ত দা।

মাছুকুৰ ৰহমানৰ পত্নী হুছনা বেগমৰ অভিযোগ, গাঁৱৰ হামিদ আৰু গণি নামৰ লোক দুজনে হত্যা কৰিছে মাছুকুৰক। ঘটনাৰ আঁৰত পূৰ্বৰ বিবাদ থকাৰ সম্ভৱনা। বদৰপুৰ আৰক্ষী ঘটনাস্থলীত উপস্থিত হৈ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে কৰিমগঞ্জ অসামৰিক হাস্পতাললৈ প্ৰেৰণ কৰাৰ লগতে তদন্ত আৰম্ভ কৰিছে।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।