চিৰাঙৰ ছাপাগুৰিত কৰুণ ঘটনা, টিনপাতত ৰং কৰি থকাৰ সময়তে বিদ্যুৎস্পৃষ্ট হৈ মৃত্যু এজনৰ

চিৰাঙৰ ছাপাগুৰিত শক্তি বিভাগৰ কাৰ্যালয়ত অঘটন৷ কাৰ্যালয় চৌহদত টিনপাতত ৰং দিবলৈ উঠি বিদ্যুৎস্পৃষ্ট  হৈ মৃত্যু হয় এজন লোকৰ৷ ঘৰৰ ওপৰত থকা উচ্চ ক্ষমতাসম্পন্ন বিদ্যুৎ পৰিবাহী তাৰৰ সংস্পৰ্শলৈ অহাৰ ফলত মৃত্যু হয় ৰং মিস্ত্ৰীজনৰ৷

মৃত লোকজনৰ নাম জিয়াৰুল হক৷ লোকজনৰ ঘৰ বঙাইগাঁৱৰ গৰাইমাৰীত৷ দীৰ্ঘ সময় ধৰি টিনপাতৰ ওপৰত ওলমি থাকে লোকজন। পিছত এছডিআৰএফৰ দল উপস্থিত হৈ লোকজনৰ মৃতদেহ টিনপাতৰ ওপৰৰ পৰা নমাই আনে৷ বিভাগীয় কাৰ্যালয়ত বিদ্যুৎ কৰ্তন অবিহনে উচ্চ বিদ্যুৎ পৰিবাহী তাৰৰ তলত এইদৰে বিপজ্জনকভাৱে টিনপাতৰ ওপৰত শ্ৰমিকক কাম কৰাৰ অনুমতি প্ৰদান কৰা ঘটনাই তীব্ৰ প্ৰতিক্ৰিয়াৰ সৃষ্টি হৈছে৷