প্ৰথমে পত্নী–কন্যাক কুঠাৰেৰে আক্ৰমণ, তাৰ পিছত ঘপিয়ালে নিজৰ দেহত, কুঠাৰ লৈ খেদিলে গাঁৱৰ ৰাইজকো, বাক্সাৰ নাগ্ৰীজুলিত চাঞ্চল্য

News18 Assam | News18-Assam
Updated:November 6, 2020, 10:19 AM IST
প্ৰথমে পত্নী–কন্যাক কুঠাৰেৰে আক্ৰমণ, তাৰ পিছত ঘপিয়ালে নিজৰ দেহত, কুঠাৰ লৈ খেদিলে গাঁৱৰ ৰাইজকো, বাক্সাৰ নাগ্ৰীজুলিত চাঞ্চল্য
স্থানীয় ৰাইজে ঘটনাটো অৱগত হৈ ৰাজকুমাৰ দাসক বাধা দিবলৈ চেষ্টা কৰে যদিও ৰাজকুমাৰ দাসে গাঁৱৰ ৰাইজকো আক্ৰমণ কৰাৰ চেষ্টা কৰে৷

স্থানীয় ৰাইজে ঘটনাটো অৱগত হৈ ৰাজকুমাৰ দাসক বাধা দিবলৈ চেষ্টা কৰে যদিও ৰাজকুমাৰ দাসে গাঁৱৰ ৰাইজকো আক্ৰমণ কৰাৰ চেষ্টা কৰে৷

  • Share this:
বাক্সা জিলাৰ নাগ্ৰীজুলি আৰক্ষী চকীৰ অধীনৰ ২নং বগৰীখুটী গাঁঁৱত বৃহস্পতিবাৰে সন্ধিয়া এক লোমহৰ্ষক হত্যাকাণ্ড সংঘটিত হয়৷ সন্ধিয়া সময়ত গাঁঁওখনৰ ৰাজকুমাৰ দাস (৪৫) নামৰ এজন লোকে নিচাসক্ত দ্ৰব্য সেৱন কৰি নিজ পত্নী ঝৰ্ণা দাসক (৪০) কুঠাৰেৰে উপৰ্যুপৰি আক্ৰমণ কৰে৷ ফলত ঝৰ্ণা দাস গুৰুতৰভাৱে আহত হয়৷ ঝৰ্ণা দাসক বচাবলৈ যাওঁতে ৰাজকুমাৰে নিজৰ কন্যা ববিতা দাসকো (১৪) উপৰ্যুপৰি আক্ৰমণ কৰি ধৰাশায়ী কৰে৷ ফলত ববিতাও গুৰুতৰভাৱে আহত হয়৷ পত্নী আৰু কন্যাক আক্ৰমণ কৰাৰ পিছত ৰাজকুমাৰে চোকা অস্ত্ৰৰে নিজৰ দেহত আক্ৰমণ কৰি আত্মহত্যাৰ চেষ্টা চলাই গুৰুতৰ ভাৱে আহত হয়৷  লগে লগে অঞ্চলটোত হাহাকাৰ অৱস্থাৰ সৃষ্টি হয়৷

স্থানীয় ৰাইজে ঘটনাটো অৱগত হৈ ৰাজকুমাৰ দাসক বাধা দিবলৈ চেষ্টা কৰে যদিও ৰাজকুমাৰ দাসে গাঁৱৰ ৰাইজকো আক্ৰমণ কৰাৰ চেষ্টা কৰে৷ পিছত স্থানীয় ৰাইজে ঘটনা সন্দৰ্ভত নাগ্ৰীজুলি আৰক্ষী চকীত খবৰ দিয়ে৷ খবৰ লাভ কৰিয়ে নাগ্ৰীজুলি আৰক্ষী চকীৰ এটা দল ঘটনাস্থলীত উপস্থিত হৈ গুৰুতৰভাৱে আহত পত্নী ঝৰ্ণা আৰু কন্যা ববিতাক স্থানীয় ৰাইজৰ সহযোগত তামুলপুৰ প্ৰাথমিক স্বাস্থ্য কেন্দ্ৰলৈ প্ৰেৰণ কৰে৷ চিকিৎসকে ৰাজকুমাৰৰ পত্নী ঝৰ্ণা দাসক মৃত বুলি ঘোষণা কৰে আৰু ৰাজকুমাৰৰ কন্যা ববিতাক উন্নত চিকিৎসাৰ বাবে গুৱাহাটীলৈ প্ৰেৰণ কৰে৷

ঘৰৰ পৰা পলায়ন কৰি কথমপি প্ৰাণ ৰক্ষা কৰে পুত্ৰ সন্তান সুজিত দাসে। আনহাতে গুৰুতৰভাৱে আহত ৰাজকুমাৰক আৰক্ষীয়ে আটক কৰি নাগ্ৰীজুলি আদৰ্শ চিকিৎসালয়ত চিকিৎসা প্ৰদান কৰে। ঘটনা সন্দৰ্ভত নাগ্ৰীজুলি আৰক্ষীয়ে তদন্ত অব্যাহত ৰাখিছে যদিও সমগ্ৰ অঞ্চলটোতে চাঞ্চল্যৰ সৃষ্টি কৰিছে ৷
Published by: Sanjay Kumar Das
First published: November 6, 2020, 10:19 AM IST
আৰু চাওক
পৰৱৰ্তী বাতৰি

শেহতীয়া বাতৰি