உங்கள் மாவட்டத்தைத் தேர்வுசெய்க

    • Home
    • »
    • News
    • »
    • assam
    • »
    • বদৰুদ্দিন আজমলৰ বাসগৃহত মহাজোঁটৰ ৰথী-মহাৰথী, জিতেন্দ্ৰ সিঙে ক’লে – অসমত হ’ব মহাজোঁটৰ চৰকাৰ

    বদৰুদ্দিন আজমলৰ বাসগৃহত মহাজোঁটৰ ৰথী-মহাৰথী, জিতেন্দ্ৰ সিঙে ক’লে – অসমত হ’ব মহাজোঁটৰ চৰকাৰ

    বদৰুদ্দিন আজমলৰ বাসগৃহত কংগ্ৰেছৰ জিতেন্দ্ৰ সিং, ৰিপুণ বৰা, ৰকিবুল হুছেইন, প্ৰদ্যুত বৰদলৈৰ লগতে অজিত ভূঞাও উপস্থিত থাকে।

    বদৰুদ্দিন আজমলৰ বাসগৃহত কংগ্ৰেছৰ জিতেন্দ্ৰ সিং, ৰিপুণ বৰা, ৰকিবুল হুছেইন, প্ৰদ্যুত বৰদলৈৰ লগতে অজিত ভূঞাও উপস্থিত থাকে।

    বদৰুদ্দিন আজমলৰ বাসগৃহত কংগ্ৰেছৰ জিতেন্দ্ৰ সিং, ৰিপুণ বৰা, ৰকিবুল হুছেইন, প্ৰদ্যুত বৰদলৈৰ লগতে অজিত ভূঞাও উপস্থিত থাকে।

    • Share this:
    অসম বিধানসভা নিৰ্বাচনৰ ফলাফল ঘোষণা হ’বলৈ মাজত আৰু কেইটামান দিন বাকী থকা অৱস্থাত আজি সন্ধিয়া হোজাইৰ গোপাল নগৰস্থিত বদৰুদ্দিন আজমলৰ বাসগৃহত মহাজোটৰ শীৰ্ষ নেতাসকলৰ হঠাৎ আগমনক লৈ অসমৰ ৰাজনৈতিক মহলত চৰ্চাৰ কেন্দ্ৰবিন্দু হৈ পৰিছে। বদৰুদ্দিন আজমলৰ বাসগৃহত কংগ্ৰেছৰ জিতেন্দ্ৰ সিং, ৰিপুণ বৰা, ৰকিবুল হুছেইন, প্ৰদ্যুত বৰদলৈৰ লগতে অজিত ভূঞাও উপস্থিত থাকে।

    আজমলৰ বাসগৃহত প্ৰৱেশ কৰাৰ পূৰ্বে ৰিপুণ বৰাই সংবাদ মাধ্যমৰ আগত কয়, ‘‘আজি আমাক ইফতাৰৰ বাবে নিমন্ত্ৰণ জনোৱা হৈছিল, সেই নিমন্ত্ৰণকে ৰক্ষা কৰিব আহিছো।সেইবাবে ইয়াত ইফতাৰৰ বাদে একো আলোচনা নহয় বুলিও মন্তব্য কৰে। ইপিনে বহু সময়  আজমলৰ সৈতে সকলোৱে ভিতৰত একেলগে সময় অতিবাহিত কৰাৰ পিছত এখন গাড়ীত জিতেন্দ্ৰ সিং, প্ৰদ্যুত বৰদলৈ আৰু ৰিপুণ বৰা ওলাই অহাৰ সময়ত কংগ্ৰেছৰ নেতা জিতেন্দ্ৰ সিঙে কয় যে অসমৰ জনতাই সিদ্ধান্ত কৰি পেলাইছে বৰ্তমানৰ চৰকাৰক উৎখাত কৰাৰ বাবে। গতিকে এইবাৰ অসমত মহাজোঁটৰ চৰকাৰ হ’ব। ইপিনে আজমলৰ ঘৰত ইফতাৰ উপলক্ষে অহা বুলিও কয় সিঙে।

    ইপিনে মহাজোঁটে অসমত এইবাৰ ১০০ৰ ওচৰত আসন লাভ কৰিব বুলিও মন্তব্য কৰে জিতেন্দ্ৰ সিঙে। মহাজোঁটৰ চৰকাৰ হ’লে মুখ্যমন্ত্ৰী কোন হ’ব বুলি সাংবাদিকে কৰাৰ প্ৰশ্নৰ উত্তৰত জিতেন্দ্ৰ সিঙে অপেক্ষা কৰক বুলি কৰে মন্তব্য।

    এইখিনিতে উল্লেখ কৰিব লাগিব যে জিতেন্দ্ৰ সিংসহ প্ৰদ্যুত বৰদলৈ আৰু ৰিপুণ বৰা ওলাই যোৱাৰ পিছতো অজিত ভূঞা আৰু ৰকিবুল হুছেইনে আজমলৰ ঘৰত আৰু প্ৰায় আধাঘণ্টা সময় অতিবাহিত কৰি ওলাই অহাৰ সময়ত অজিত ভূঞাই সংবাদ মাধ্যমক কয় যে তেওঁ আজমলৰ ঘৰত প্ৰথমবাৰ আহিছে। তেওঁ আৰু কয় যে আমি কোনো আলোচনাৰ বাবে অহা নাই আমি আহিছো ইফতাৰৰ উদ্দেশ্যে। অসমত এইবাৰ মহাজোঁটে চৰকাৰ কৰিব আৰু কংগ্ৰেছৰ পৰাই মুখ্যমন্ত্ৰী হ’ব বুলিও কৰে মন্তব্য ভূঞাই।

    একেদৰে ৰকিবুল হুছেইনেও সংবাদ মাধ্যমৰ আগত কয় যে আমি কোনো আলোচনা কৰিবলৈ অহা নাই, ইফতাৰৰ বাবেহে আহিছো। আনহাতে, এগজিট প’ল মেনেজ কৰি ওলোটা দেখুৱাৰ সন্দেহ প্ৰকাশ কৰি ৰকিবুলে আৰু কয় যে এগজিট প’লত কি দেখুৱাই নেদেখুৱাই সেয়া পিছৰ কথা কিন্তু বিজেপিৰ নেতাসকলৰ মুখৰ পৰাই মহাজোঁট চৰকাৰ হোৱাটো পৰিস্ফুত হৈছে বুলি ব্যক্ত কৰে। লগতে তেওঁ আৰু কয় যে বর্তমান মানুহৰ মূল্য কমি গৈছে বয়–বস্তুর দাম আকাশলংঘী হৈছে, গতিকে আমাৰ চৰকাৰ হ’লে ৰাইজৰ মত সাপেক্ষে সকলোৰে সৈতে মিলাপ্ৰীতিৰে চলোৱা হ’ব বুলিও মন্তব্য কৰে ৰকিবুল হুছেইনে।

    ইফালে আজমলৰ বাসগৃহত মহাজোঁটৰ শীৰ্ষ নেতৃত্বৰ আগমন সন্দৰ্ভত বদৰুদ্দিন আজমলৰ প্ৰতিক্ৰিয়া ল’বলৈ যোগাযোগ কৰা হৈছিল যদিও বদৰুদ্দিন আজমলৰ সহায়কে জানিবলৈ দিয়া মতে, এই সন্দৰ্ভত আজমলে নকৰে কোনো মন্তব্য। অৱশ্যে সমগ্ৰ বিষয়টো সন্দৰ্ভত এ আই ইউ ডি এফৰ নেতা অধিবক্তা আমিনুল ইছলামে সংবাদ মাধ্যমৰ আগত কয় যে আমাৰ সকলো ঠিক চলি আছে ভাল ফল আহিব। লগতে তেওঁ আৰু কয় যে আমাৰ আলোচনা কিবা কিবি চলি আছে যদিও মন্ত্ৰিত্বক লৈ কোনো ধৰণৰ আলোচনা হোৱা নাই।এইবাৰ নিৰ্বাচনত  এ আই ইউ ডি এফ দলে ১৭-১৮ খন আসন পাব বুলি দাবী কৰে আমিনুল ইছলামে।
    Published by:Sanjay Kumar Das
    First published: