• Home
  • »
  • News
  • »
  • assam
  • »
  • Lemon Export to London : সুদূৰ লণ্ডনলৈ ৰপ্তানি বাক্সাৰ নেমু, প্ৰতিদিনে এহাজাৰ কিলোগ্ৰাম নেমু উৎপাদনৰ আহ্বান উপায়ুক্তৰ

Lemon Export to London : সুদূৰ লণ্ডনলৈ ৰপ্তানি বাক্সাৰ নেমু, প্ৰতিদিনে এহাজাৰ কিলোগ্ৰাম নেমু উৎপাদনৰ আহ্বান উপায়ুক্তৰ

প্ৰতিদিনে এহাজাৰ কিলোগ্ৰাম নেমু উৎপাদন কৰি সেইবোৰ ৰপ্তানি কৰিবলৈ আহ্বান জনায় উপায়ুক্তই

প্ৰতিদিনে এহাজাৰ কিলোগ্ৰাম নেমু উৎপাদন কৰি সেইবোৰ ৰপ্তানি কৰিবলৈ আহ্বান জনায় উপায়ুক্তই

প্ৰতিদিনে এহাজাৰ কিলোগ্ৰাম নেমু উৎপাদন কৰি সেইবোৰ ৰপ্তানি কৰিবলৈ আহ্বান জনায় উপায়ুক্তই

  • Share this:
বাক্সা জিলাৰ নেমু খেতিয়কসকলৰ বাবে এক আশাব্যঞ্জক তথা গৌৰৱময় বতৰা ৷ বাক্সাৰ কৃষকৰ দ্বাৰা উৎপাদিত নেমুৰ বিদেশ যাত্ৰা ৷ তাকো সুদূৰ লণ্ডনলৈ আৰম্ভ হ' ল নেমুটেঙাৰ ৰপ্তানি ৷

আজি বাক্সা জিলাৰ মুছলপুৰৰ পৰা সুদূৰ লণ্ডনলৈ নেমু ৰপ্তানিৰ শুভাৰম্ভ কৰা হয় (Lemon Export to London)। এই উপলক্ষে জিলাখনৰ মুছলপুৰস্থ জিলা উপায়ুক্ত কাৰ্যালয়ৰ প্ৰাংগণত আনুষ্ঠানিকভাৱে নেমু ৰপ্তানিৰ শুভ উদ্বোধন কৰে জিলা উপায়ুক্ত আয়ুষ গাৰ্গে । নীলাচল এগ্ৰো প্ৰডিউচাৰ কোম্পানী লিমিটেডৰ উদ্যোগত উৎপাদন কৰা প্ৰায় চাৰি হাজাৰ নেমু ৰপ্তানি কৰে।

নেমুটেঙাৰ  ৰপ্তানিৰ ফ্লেগ অফ কৰি জিলা উপায়ুক্ত আয়ুষ গাৰ্গে কয় যে বাক্সা জিলাৰ কৃষকসকলে এতিয়া আৰু উৎপাদিত সামগ্ৰীৰ বিক্ৰীৰ ক্ষেত্ৰত কোনো চিন্তা কৰিব নালাগে। সকলো কৃষকে নিজৰ উৎপাদিত সামগ্ৰীসমূহ বিক্ৰী কৰিবলৈ জিলা কৃষি বিভাগৰ লগত যোগাযোগ কৰিব পাৰে।

জিলা কৃষি বিভাগৰ লগতে আন বিভাগসমূহেও কৃষকৰ উৎপাদিত সামগ্ৰী বিক্ৰীৰ বাবে সহায়-সহযোগিতা আগবঢ়াব। কৃষকসকলক  প্ৰতিদিনে এহাজাৰ কিলোগ্ৰাম নেমু উৎপাদন কৰি সেইবোৰ ৰপ্তানি কৰিবলৈ আহ্বান জনায় উপায়ুক্ত গাৰ্গে।

আনহাতে নীলাচল এগ্ৰো প্ৰডিউচাৰ কোম্পানী লিমিটেডৰ মুখ্য কাৰ্যবাহী বিষয়া মানস প্ৰতীম কলিতাই জিলা উপায়ুক্ত আয়ুষ গাৰ্গৰ সহযোগত আজি প্ৰথমবাৰৰ বাবে বিদেশলৈ নেমু ৰপ্তানি কৰিবলৈ সক্ষম হয় বুলি জানিবলৈ দি কয় যে বাক্সা জিলা নেমু খেতিৰ বাবে উত্তম ঠাই। সেয়েহে নেমু খেতি কৰাৰ বাবে কৃষকসকল আগবাঢ়ি আহিছে।

ইতিমধ্যে প্ৰায় সাতশ কৃষকে নীলাচল এগ্ৰো প্ৰডিউচাৰ কোম্পানী লিমিটেডত পঞ্জীভুক্ত হৈ থকা নেমু খেতিৰ উৎপাদনেৰে এক বিপ্লৱৰ সূচনা কৰা বুলি উল্লেখ কৰি তেওঁ কৃষিখণ্ডক বাণিজ্যিকীকৰণ কৰাৰ বাবে হাতত লোৱা বুলি মন্তব্য কৰে।

উল্লেখ্য যে দুবছৰ পূৰ্বে হৰ্টিকালচাৰ মিছন ফৰ নৰ্থ ইষ্ট এণ্ড হিমালয়ান ষ্টেট নামৰ কেন্দ্ৰীয় আঁচনিৰ জৰিয়তে ইণ্ডি‌য়ান ছ'চাইটী অৱ এগ্ৰিবিজনেছ প্ৰফেচনেলছৰ সহযোগত নীলাচল এগ্ৰো প্ৰডিউচাৰ কোম্পানী লিমিটেড গঠন কৰা হৈছিল।

আজিৰ এই অনুষ্ঠানত অতিৰিক্ত উপায়ুক্ত আশ্ৰাফুল আমিন, আৰক্ষী অধীক্ষক ৰাজেন সিং, বাক্সা জিলাৰ কৃষি বিষয়া দুলাল দাস, জিলা উদ্যোগ আৰু বাণিজ্য কেন্দ্ৰৰ প্ৰৱন্ধক হীৰেন তালুকদাৰ, উদ্যোগ আৰু বাণিজ্য কেন্দ্ৰৰ তামুলপুৰৰ অধীক্ষক দুৰ্গা কিংকৰ ভট্টাচাৰ্যৰ লগতে বহু লোক উপস্থিত থাকে।
Published by:Gautam Barman
First published:

শেহতীয়া বাতৰি