আজি প্ৰয়াত শিল্পী জংকী বৰঠাকুৰৰ জন্মদিন, ভগ্নীক সোঁৱৰি জুবিন গাৰ্গৰ আৱেগিক পোষ্ট

আজি প্ৰয়াত কণ্ঠশিল্পী জংকী  বৰঠাকুৰৰ জন্মদিন। জন্মদিনৰ দিনটোত প্ৰয়াত শিল্পীগৰাকীক সোঁৱৰি ককায়েক জুবিন গাৰ্গে ছচিয়েল মিডিয়াত শ্বেয়াৰ কৰিলে আৱেগিক পোষ্ট।



উল্লেখ্য যে, ২০০২ চনত এক পথ দুৰ্ঘটনাত মৃত্যুক সাৱটি লৈছিল জংকী বৰঠাকুৰে। এক সংগীতানুষ্ঠানলৈ গৈ থকাৰ অৱস্থাত তেজপুৰৰ ওচৰত দুৰ্ঘটনাত পতিত হৈছিল জংকী। সেইসময়ত অন্য এখন গাড়ীত জুবিন গাৰ্গো আছিল। চকুৰ আগতে ভগ্নীৰ মৃত্যু দেখি ভাগি পৰিছিল জুবিন গাৰ্গ। এই ঘটনাৰ ঠিক এবছৰৰ পূৰ্বে জুবিন গাৰ্গে হেৰুৱাইছিল নিজৰ মাতৃকো।

৯০ৰ দশকত জুবিন গাৰ্গ আৰু জংকী বৰঠাকুৰৰ দ্বৈত কণ্ঠৰ বহুকেইটা গীতে ৰাইজৰ ব্যাপক সমাদৰ লাভ কৰিছিল। আজিও বহুতৰ মুখে মুখে  জুবিন-জংকীৰ কণ্ঠৰ 'আউসীৰ জোন মোৰ', 'মুগ্ধ হিয়া মোৰ', 'অন্ধ আকাশ', 'তুমি চালেই জানা' আদি গীতসমূহ।