লাফিকুল ইছলামৰ হত্যাকাণ্ডত কোন ৰাজনৈতিক নেতা জড়িত? - চাঞ্চল্যকৰ মন্তব্য হিমন্ত বিশ্ব শৰ্মাৰ

News18 Assam | News18-Assam
Updated:November 17, 2020, 9:32 PM IST
লাফিকুল ইছলামৰ হত্যাকাণ্ডত কোন ৰাজনৈতিক নেতা জড়িত? - চাঞ্চল্যকৰ মন্তব্য হিমন্ত বিশ্ব শৰ্মাৰ
মন্ত্ৰী হিমন্তৰ এই চাঞ্চল্যকৰ ঘোষণাৰ পিছত এতিয়া সৰৱ বিৰোধী কংগ্ৰেছ৷

মন্ত্ৰী হিমন্তৰ এই চাঞ্চল্যকৰ ঘোষণাৰ পিছত এতিয়া সৰৱ বিৰোধী কংগ্ৰেছ৷

  • Share this:
২০১৭ চনত সংঘটিত লাফিকুল ইছলামৰ হত্যাকাণ্ডৰ তদন্তৰ সন্দৰ্ভত সোমবাৰে বড়োভূমিত চাঞ্চল্যকৰ মন্তব্য কৰিলে ৰাজ্যৰ প্ৰভাৱশালী মন্ত্ৰী ড০ হিমন্ত বিশ্ব শৰ্মাই৷ শৰ্মাই ক'লে- “লাফিকুলৰ হত্যাকাণ্ড এক ৰাজনৈতিক হত্যাকাণ্ড৷ ইতিমধ্যে CBIএ চিনাক্ত কৰিছে লাফিকুলৰ হত্যাকাৰীক৷ এই সন্দৰ্ভত আমি সোনকালে CBI আৰু কেন্দ্ৰীয় চৰকাৰৰ সৈতে যোগাযোগ কৰিম৷ হত্যাকাৰী জে’ললৈ যাবই৷”

মন্ত্ৰী হিমন্তৰ এই চাঞ্চল্যকৰ ঘোষণাৰ পিছত এতিয়া সৰৱ বিৰোধী কংগ্ৰেছ৷ কংগ্ৰেছী বিধায়ক শ্বেৰমান আলী আহমেদে মঙলবাৰে উভতি ধৰিলে হিমন্ত বিশ্ব শৰ্মাক৷ বিধায়ক শ্বেৰমানে ক'লে- “ ২০১৭ চনতেই লাফিকুল ইছলামক হত্যা কৰিছিল দুৰ্বৃত্তই৷  এই হত্যাকাণ্ডক লৈ ইমান দিনে ক'ত আছিল চৰকাৰ? এতিয়া হঠাতে কিয় মনত পৰিছে লাফিকুলক? ইমান দিনে কিয় হত্যাকাৰীক চিনাক্ত কৰিব নোৱাৰিলে এইখন চৰকাৰে৷ এয়াই ৰাজনীতি এই BJP চৰকাৰৰ৷”

ইমানতে শান্ত নাথাকিল বিধায়ক শ্বেৰমান আলী আহমেদ৷ শ্বেৰমানে ক'লে- “লাফিকুল হত্যাকাণ্ডৰ তদন্তক লৈ ৰাজনীতি কৰিছে মন্ত্ৰী হিমন্ত বিশ্ব শৰ্মাই৷ BJP–এ ভৰিৰ মাটি হেৰুৱাই পেলোৱাৰ উপক্ৰম হৈছে৷ লগতে BTRৰ নিৰ্বাচন জয়ী হোৱাৰ অংকতেই হিমন্তৰ এই ৰাজনীতি আৰম্ভ কৰিছে৷”

উল্লেখযোগ্য যে ২০১৭ৰ ১ আগষ্টত দিন দুপৰতে কোকৰাঝাৰ চহৰৰ তিতাগুৰিত অচিনাক্ত দুৰ্বৃত্তই নিচেই কাষৰ পৰা গুলীয়াই হত্যা কৰিছিল সংখ্যালঘু ছাত্ৰ সংগঠন ABMSUৰ সভাপতি লাফিকুল ইছলামক৷
Published by: Sanjay Kumar Das
First published: November 17, 2020, 9:32 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading