• Home
  • »
  • News
  • »
  • assam
  • »
  • ‘কৃষক মুক্তিৰ উদাৰতাক ভুল বুজিলে আছু–AJYCPয়ে, চলিত মাহতে গঠন হ’ব কৃষক মুক্তিৰ আপোচবিহীন ৰাজনৈতিক দল’

‘কৃষক মুক্তিৰ উদাৰতাক ভুল বুজিলে আছু–AJYCPয়ে, চলিত মাহতে গঠন হ’ব কৃষক মুক্তিৰ আপোচবিহীন ৰাজনৈতিক দল’

সভাৰ অন্তত চলিত মাহৰ ভিতৰতে কৃষক মুক্তি সংগ্ৰাম সমিতিয়ে ৰাজনৈতিক দল ঘোষণা কৰিব বুলি জানিবলৈ দিছে সভাপতি ভাস্কো ডি শইকীয়াই৷

সভাৰ অন্তত চলিত মাহৰ ভিতৰতে কৃষক মুক্তি সংগ্ৰাম সমিতিয়ে ৰাজনৈতিক দল ঘোষণা কৰিব বুলি জানিবলৈ দিছে সভাপতি ভাস্কো ডি শইকীয়াই৷

সভাৰ অন্তত চলিত মাহৰ ভিতৰতে কৃষক মুক্তি সংগ্ৰাম সমিতিয়ে ৰাজনৈতিক দল ঘোষণা কৰিব বুলি জানিবলৈ দিছে সভাপতি ভাস্কো ডি শইকীয়াই৷

  • Share this:
চলিত মাহৰ ভিতৰতে কৃষক মুক্তি সংগ্ৰাম সমিতিৰ নেতৃত্বত ঐক্যবদ্ধ আৰু আপোচহীন আঞ্চলিক ৰাজনৈতিক দল ঘোষণা কৰা হ’ব ৷ এই কথা জানিবলৈ দিছে কৃষক মুক্তি সংগ্ৰাম সমিতিৰ সভাপতি ভাস্কো ডি শইকীয়াই৷ ৰাজনৈতিক দল গঠনক লৈ বঙাইগাঁৱত নামনি অসমৰ ৯খনকৈ জিলাৰ বুদ্ধিজীৱী, সমাজকৰ্মীৰে বৈঠক অনুষ্ঠিত কৰি এই কথা ঘোষণা কৰে সংগঠনটোৰ সভাপতি শইকীয়াই৷

ৰাজনৈতিক দল গঠনক সম্প্ৰতি তৎপৰ হৈ পৰিছে কৃষক মুক্তি সংগ্ৰাম সমিতি৷ আছু আৰু যুৱ ছাত্ৰ পৰিষদক জনোৱা ঐক্যবদ্ধ ৰাজনৈতিক দল গঠনৰ আহ্বান প্ৰত্যাখ্যান কৰাৰ পিছত কৃষক মুক্তি সংগ্ৰাম সমিতিয়ে আৰম্ভ কৰিছে দল গঠনৰ কাম-কাজ৷

বঙাইগাঁৱৰ হোটেল চিকেত নামনি অসম ভিত্তিত বৈঠক অনুষ্ঠিত কৰি ৯খন জিলাৰ প্ৰতিনিধিৰ মতামত গ্ৰহণ কৰে৷ বঙাইগাঁৱৰ লগতে বৰপেটা, গোৱালপাৰা, ধুবুৰী, চিৰাং, কোকৰাঝাৰ, নলবাৰী, মানকাচৰ, বজালীকে ধৰি বিভিন্ন জিলাৰ বুদ্ধিজীৱী, শিক্ষাবিদ, সমাজকৰ্মীকে ধৰি বিভিন্নজনে অংশগ্ৰহণ কৰে এই সভাত৷

সভাৰ অন্তত চলিত মাহৰ ভিতৰতে কৃষক মুক্তি সংগ্ৰাম সমিতিয়ে ৰাজনৈতিক দল ঘোষণা কৰিব বুলি জানিবলৈ দিছে সভাপতি ভাস্কো ডি শইকীয়াই৷ আছু যুৱ ছাত্ৰ পৰিষদক ঐক্যবদ্ধ হোৱাৰ বাবে জনোৱা আহ্বান প্ৰত্যাখ্যান কৰাৰ ফলত কৃষক মুক্তি সংগ্ৰাম সমিতিৰ উদাৰতাক ভুল বুজিলে বুলি তেওঁ মন্তব্য কৰে৷

আনহাতে, ৰাইজৰ আহ্বানৰ প্ৰতি সঁহাৰি জনাই ৭০ সংগঠনৰ লগতে  জনগোষ্ঠীয় সংগঠনৰ সহযোগত আপচবিহীন আঞ্চলিক ৰাজনৈতিক দল কৃষক মুক্তি সংগ্ৰাম সমিতিয়ে ঘোষণা কৰিব বুলি তেওঁ জানিবলৈ দিয়ে৷

সভাত সংগঠনটোৰ যুটীয়া সাধাৰণ সম্পাদক মুকুট ডেকা, প্ৰচাৰ সম্পাদক ৰাতুল হুছেইন, ছাত্ৰ মুক্তি সংগ্ৰাম সমিতিৰ কাৰ্যকৰী সভাপতি মানস কোঁৱৰসহ বহু কেইগৰাকী নেতাই অংশগ্ৰহণ কৰে৷
Published by:Sanjay Kumar Das
First published:

শেহতীয়া বাতৰি