Kaziranga Dead Rhino : কাজিৰঙাৰ বনকৰ্মীৰ কাণ্ড! ছচিয়েল মিডিয়াত দিলে মৃত গঁড়ৰ ফটো, তাৰ পিছত কি হ'ল?

কাজিৰঙা ৰাষ্ট্ৰীয় উদ্যান (Kaziranga National Park)ৰ অন্তৰ্ভাগৰ হনুমান বন শিৱিৰ এলেকাৰ ডিফলু নৈত এটা গঁড়ৰ মৃতদেহ  (Body of Rhino) উদ্ধাৰ কৰে টহলদাৰী বনকৰ্মীয়ে৷ লগে লগে বনকৰ্মীৰ দলটোৱে প্ৰাপ্তবয়স্ক মৃত গঁড়ৰ দেহটো যাতে উটি নাযায় তাৰ বাবে এডাল ৰচীৰে বান্ধি টানি আনে৷ তদুপৰি, এজোপা গছত বান্ধি ৰাখে গঁড়ৰ মৃতদেহটো৷

আনহাতে, এগৰাকী বনকৰ্মীয়ে মৃত গঁড়টোৰ ফটো এখন সামাজিক মাধ্যমত আপলোড কৰে৷ লগে লগে সমগ্ৰ বিষয়টো সন্দৰ্ভত হাহাকাৰ লাগে বনবিভাগৰ ভিতৰচ’ৰাত৷ কাৰণ, নিৰ্দিষ্ট বিষয়াৰ অবিহনে কাজিৰঙা বনবিভাগৰ কোনো তথ্য ৰাজহুৱা কৰিব নোৱাৰে বনবিভাগৰ বিষয়া-কৰ্মচাৰীয়ে ৷

লগে লগে ফটোখন সামাজিক মাধ্যমৰ পৰা আঁতৰ কৰা হয় যদিও সংশ্লিষ্ট বনকৰ্মীগৰাকীৰ ওপৰত বনবিভাগে ব্যৱস্থা গ্ৰহণ কৰিছে বুলি অৱগত কৰিছে কাজিৰঙা বনাঞ্চলৰ বনবিষয়া বিভূতি ৰঞ্জন গগৈয়ে৷