কৰ্তব্যনিষ্ঠা! এদিনো ছুটি নোলোৱাকৈ দৰাক চৰকাৰী বাসভৱনলৈকে মাতি বিয়াত বহিল কাছাৰৰ উপায়ুক্ত কীৰ্তি জ’লী

সমগ্ৰ দেশতে এতিয়া কোৰোণা মহামাৰীৰ তাণ্ডৱ। কোৰোণা মহামাৰীক প্ৰতিহত কৰিবলৈ এতিয়া গুৰু দায়িত্ব পালন কৰিবলগীয়া হৈছে জিলা উপাযুক্তসকলে। দেশৰ এনে  পৰিস্থিতিৰ মাজতে পূৰ্বে নিৰ্ধাৰিত তাৰিখত অনুষ্টুপীয়া কৈ বিয়াত বহিল কাছাৰৰ উপায়ুক্ত কীৰ্তি জ’লী। কৰ্তব্যৰ তাড়নাত বিয়া বুলি নল’লে কোনো ধৰণৰ ছুটি। আহিব নোৱাৰিলে আত্মীয় লোকো। দৰাক নিজৰ চৰকাৰী বাসভৱনলৈ দুদিন পূৰ্বেই মাতি আনি বিয়াত বহিল উপায়ুক্তগৰাকী। দৰাৰ নাম আদিত্য শশীকান্ত। কইনা আই এ এছ বিষয়া হোৱাৰ বিপৰীতে দৰা ব্যৱসায়ী।



বিয়াৰ দিনা নাছিল কোনো বিশেষ অতিথি। কোৰোণাৰ বাবে অতি অনুষ্টুপীয়াকৈ আয়োজন কৰা বিবাহ অনুষ্ঠানত দৰা-কইনাক অভিনন্দন জনাবলৈ আহিল এগৰাকী উপ মহাপৰিদৰ্শক পৰ্যায়ৰ বিষয়া, কেইবাজনো অতিৰিক্ত উপায়ুক্ত আৰু আৰক্ষী অধীক্ষক।

কোৰোণাৰ ভয়াৱহতাৰ বাবে ঘৰলৈও যাব নোৱাৰিল কীৰ্তি জ’লী। কোভিডৰ বাবে নিমন্ত্ৰণ জনাব নোৱাৰিলে অতিথি। সম্পূৰ্ণ কোভিড প্ৰট’কল মানি চলি সাধাৰণ ভাবেই সম্পন্ন হয় যায় কাছাৰৰ উপায়ুক্তগৰাকীৰ বিবাহ অনুষ্ঠান।

বৰ্তমান কীৰ্তি জ’লীৰ বিবাহে শিলচৰত যথেষ্ট চৰ্চা লাভ কৰিছে। উপায়ুক্ত হিচাপেও জিলাখনত অত্যন্ত জনপ্ৰিয় কীৰ্তি জ’লী। পৰিয়ালৰ বিশেষ লোক উপস্থিত থাকিব নোৱাৰিলেও বিয়াত জলীৰ ভগ্নী উপস্থিত আছিল। তেওঁৱে আছিল এই বিয়াখনৰ অন্যতম সাক্ষী।