দক্ষিণ কামৰূপৰ মনীয়েৰী তিনিআলিত সাংবাদিকক হত্যাৰ চেষ্টা!

News18 Assam | News18-Assam
Updated:November 15, 2020, 4:06 PM IST
দক্ষিণ কামৰূপৰ মনীয়েৰী তিনিআলিত সাংবাদিকক হত্যাৰ চেষ্টা!
মনীয়েৰী তিনিআলিত জুৱাৰীয়ে লাইট পোষ্টত বান্ধি লৈ প্ৰহাৰ কৰিলে মিলন মহন্ত নামৰ সাংবাদিকগৰাকীক।

মনীয়েৰী তিনিআলিত জুৱাৰীয়ে লাইট পোষ্টত বান্ধি লৈ প্ৰহাৰ কৰিলে মিলন মহন্ত নামৰ সাংবাদিকগৰাকীক।

  • Share this:
দক্ষিণ কামৰূপৰ মিৰ্জাত সাংবাদিকক হত্যাৰ চেষ্টা! দিন দুপৰতে এগৰাকী সাংবাদিকক মনীয়াৰী তিনিআলি চ’কত গণপ্ৰহাৰ কৰি হত্যাৰ চেষ্টা চলোৱাৰ অভিযোগ ভূ–মাফিয়া  তথা জুৱাৰী সঞ্জয় ঠাকুৰীয়া বাহিনীৰ বিৰুদ্ধে।

জ্যেষ্ঠ সাংবাদিক পৰাগ ভূঞাৰ ৰহস্যজনক মৃত্যুৰ প্ৰতিক্ৰিয়া মাৰ নৌযাওঁতেই এইবাৰ দক্ষিণ কামৰূপৰ মিৰ্জাত এগৰাকী সাংবাদিকক ভূ–মাফিয়া তথা জুৱাৰীয়ে গণপ্ৰহাৰ কৰি হত্যাৰ চেষ্টা চলোৱাৰ অভিযোগ।পলাশবাৰী আৰক্ষী থানাৰ অন্তৰ্গত মনীয়েৰী তিনিআলিত জুৱাৰীয়ে লাইট পোষ্টত বান্ধি লৈ প্ৰহাৰ কৰিলে মিলন মহন্ত নামৰ সাংবাদিকগৰাকীক।

মিলন মহন্তক তিনিআলি চ’কত বজাৰ কৰি থকা অৱস্থাত দেওবাৰে দুপৰীয়া সঞ্জয় ঠাকুৰীয়া নামৰ ভু-মাফিয়া তথা জুৱাৰীগৰাকীৰ নেতৃত্বত একাংশ লোকে খেদি আহি অতৰ্কিতে প্ৰহাৰ কৰাৰ অভিযোগ উত্থাপিত হৈছে। তাৰ পিছত ৰাজপথৰ কাষত থকা লাইট পোষ্টত বান্ধি লৈ প্ৰহাৰ কৰে সাংবাদিকগৰাকীক। গুৰুত্বৰভাৱে আহত হোৱা মহন্তক স্থানীয় দুজনমান সচেতন লোকে কোনোমতে জুৱাৰীৰ দলটোৰ ৰোষৰ পৰা উদ্ধাৰ কৰে। কিন্তু পলাশবাৰী আৰক্ষী কিছু সময় পিছতে ঘটনাস্থলীত উপস্থিত হয় যদিও মহন্তক উদ্ধাৰৰ সলনি ৰহস্যজনক ভূমিকাহে গ্ৰহণ কৰা বুলি দল–সংগঠনে অভিযোগ তুলিছে।

বহু সময় পিছতহে আৰক্ষীয়ে দল–সংগঠনৰ সহযোগত মিলন মহন্তক উদ্ধাৰ কৰি থানালৈ আনি চিকিৎসাৰ ব্যৱস্থা কৰে। এই সন্দৰ্ভত বৰিহাটৰ একাংশ  লোক পলাশবাৰী আৰক্ষী থানালৈ আহি পৰিস্থিতি উত্তাল কৰি তোলে। ভূ-মাফিয়া সঞ্জয় ঠাকুৰীয়াক ২৪ ঘণ্টাৰ ভিতৰত গ্ৰেপ্তাৰ কৰিবলৈ দাবী জনাই ৰাইজে।

গুৰুত্বৰভাৱে আহত মিলন মহন্তই  ভূ-মাফিয়া সঞ্জয় ঠাকুৰীয়া আৰু তেওঁৰ সহযোগী বুদু ঠাকুৰীয়া আৰু বিশ্বজিৎ দাস বিৰুদ্ধে এজাহাৰ দাখিল কৰে। উল্লেখ্য যে ভূ–মাফিয়া সঞ্জয় ঠাকুৰীয়াৰ নেতৃত্বত চলা জুৱাৰীৰ বিৰুদ্ধে সাংবাদিক মিলন মহন্তই ধাৰাবাহিকভাৱে বাতৰি সম্প্ৰচাৰ কৰি আহিছিল, যাৰ বাবে আক্ৰমণৰ বলি হয় সাংবাদিকজন।
Published by: Sanjay Kumar Das
First published: November 15, 2020, 4:06 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading