গছত কঁঠাল ওঁঠত তেল! কংগ্ৰেছ–AIUDFৰ মিত্ৰতাক লৈ আচল কথাটো কৈ দিলে জীতেন্দ্ৰ সিঙে

গছত কঁঠাল, ওঁঠত তেলৰ দৰে হ'ল প্ৰদেশ কংগ্ৰেছৰ প্ৰস্তাৱিত মহাজোঁট বন্ধনৰ বিষয়টো৷ ২০২১ৰ নিৰ্বাচনত বদৰুদ্দিন আজমল নেতৃত্বাধীন AIUDF আৰু BJP বিৰোধী দলসমূহক লৈ মহাজোঁট বন্ধনৰ বাবে আগবাঢ়িছিল প্ৰদেশ কংগ্ৰেছ৷ ইতিমধ্যে বাওঁপন্থী দলসমূহৰ সৈতে আৰু AIUDFৰ সৈতে সুকীয়া সুকীয়াকৈ প্ৰদেশ কংগ্ৰেছে বহু কেইখন আলোচনাত মিলিত হৈছে৷

কিন্তু প্ৰদেশ কংগ্ৰেছৰ এই সকলো প্ৰচেষ্টাক একমুখে নসাৎ কৰি দিলে AICCৰ সাধাৰণ সম্পাদক তথা APCCৰ নৱ নিযুক্ত তত্ত্বাৱধায়ক জীতেন্দ্ৰ সিঙে৷ তত্বাবধায়ক হিচাপে নিযুক্তি পোৱাৰ পিছত ১ নৱেম্বৰৰ পৰা প্ৰথমটো অসম ভ্ৰমণত থকা জীতেন্দ্ৰ সিঙে শুকুৰবাৰে মিত্ৰতা সন্দৰ্ভত দিলে স্পষ্টীকৰণ৷

শুকুৰবাৰে APCCৰ তত্ত্বাৱধায়ক সিঙে সাংবাদিকৰ এক প্ৰশ্নৰ উত্তৰত ক'লে - “AIUDFৰে কংগ্ৰেছৰ কোনো মিত্ৰতা হোৱা নাই৷ যি কথা ওলাই আছে সেয়া ব্যক্তিগত পৰ্যায়ত চলা আলোচনাহে৷ কোনো দলৰ সৈতে মিত্ৰতা হ'বলৈ হ'লে সিদ্ধান্ত ল'ব AICCয়েহে৷ ইয়াত কোনো ব্যক্তি বিশেষে ল'ব নোৱাৰে৷ ব্যক্তিগত পৰ্যায়ত AIUDFৰ সৈতে কোনো কোনোৱে মিত্ৰতা সন্দৰ্ভত আলোচনা কৰিছে৷ সেয়ে দলীয় আলোচনা নহয়৷”

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।