অতুল বৰাৰ বিৰুদ্ধে যুঁজিবলৈ সাজু জীতেন গগৈ, বোকাখাত সমষ্টিত জীতেন গগৈ হ’ব নেকি AJPৰ সমৰ্থিত প্ৰাৰ্থী!

News18 Assam | News18-Assam
Updated:September 24, 2020, 12:28 PM IST
অতুল বৰাৰ বিৰুদ্ধে যুঁজিবলৈ সাজু জীতেন গগৈ, বোকাখাত সমষ্টিত জীতেন গগৈ হ’ব নেকি AJPৰ সমৰ্থিত প্ৰাৰ্থী!
তাৎপৰ্যপূৰ্ণভাৱে আছুৰ সাধাৰণ সম্পাদক লুৰিণজ্যোতি গগৈয়েও জীতেন গগৈক সাক্ষাৎ কৰি আঞ্চলিক ৰাজনীতি সম্পৰ্কত বহু কথা আলোচনা কৰে।

তাৎপৰ্যপূৰ্ণভাৱে আছুৰ সাধাৰণ সম্পাদক লুৰিণজ্যোতি গগৈয়েও জীতেন গগৈক সাক্ষাৎ কৰি আঞ্চলিক ৰাজনীতি সম্পৰ্কত বহু কথা আলোচনা কৰে।

  • News18 Assam
  • Last Updated: September 24, 2020, 12:28 PM IST
  • Share this:
অসম গণ পৰিষদৰ সভাপতি কৃষি মন্ত্ৰী অতুল বৰাৰ বিৰুদ্ধে যুঁজিবলৈ সাজু হৈছে বোকাখাত সমষ্টিৰ দুবাৰৰ প্ৰাক্তন বিধায়ক জীতেন গগৈ। ২০২১ চনৰ বিধানসভা নিৰ্বাচনৰ দিন চমু চাপি অহাৰ লগে লগে আন সমষ্টিৰ লগতে গুৰুত্ব বাঢ়িছে ৯৩নং বোকাখাত বিধানসভা সমষ্টিৰ।

২০০১ আৰু ২০০৬ চনৰ বিধানসভা নিৰ্বাচনত জয় লাভ কৰা প্ৰাক্তন আলফা নেতা জীতেন গগৈয়ে বিশেষ কাৰণত ২০১৬ চনৰ নিৰ্বাচনত অৱতীৰ্ণ হ’ব পৰা নাছিল। শেহতীয়াকৈ সমষ্টিটোত প্ৰাক্তন বিধায়ক জীতেন গগৈক লৈ বিশেষ চৰ্চা আৰম্ভ হৈছে। কিছুদিন পূৰ্বে বোকাখাতৰ জীতেন গগৈৰ বাসগৃহত কেবাঘণ্টাও ৰুদ্ধদ্বাৰ বৈঠকত মিলিত হৈছিল প্ৰাক্তন মুখ্যমন্ত্ৰী প্ৰফুল্ল কুমাৰ মহন্ত আৰু অসম বিধান সভাৰ প্ৰাক্তন উপাধ্যক্ষ বলোভদ্ৰ তামুলী।

প্ৰাক্তন মুখ্যমন্ত্ৰী তৰুণ গগৈ, অসম প্ৰদেশ কংগ্ৰেছ কমিটীৰ সভাপতি, ৰাজ্যসভাৰ সাংসদ ৰিপুণ বৰা আৰু বিৰোধী দলপতি দেবব্ৰত শইকীয়াও যোগাযোগ কৰিছে বোকাখাতৰ দুবাৰৰ প্ৰাক্তন বিধায়কগৰাকীৰ সৈতে।

তাৎপৰ্যপূৰ্ণভাৱে আছুৰ সাধাৰণ সম্পাদক লুৰিণজ্যোতি গগৈয়েও জীতেন গগৈক সাক্ষাৎ কৰি আঞ্চলিক ৰাজনীতি সম্পৰ্কত বহু কথা আলোচনা কৰে। এনে পৰিপ্ৰেক্ষিতত আগন্তুক বিধানসভা নিৰ্বাচনৰ বাবে জীতেন গগৈক লৈ বিৰোধীয়ে যে এক বিশেষ ৰণকৌশল তৈয়াৰ কৰিছে সেইটো নিশ্চিত হৈছে। বিশেষ সূত্ৰৰ পৰা জানিব পৰা মতে, আগন্তুক নিৰ্বাচনত জীতেন গগৈ হ’ব পাৰে অসম জাতীয় পৰিষদৰ সমৰ্থিত নিৰ্দলীয় প্ৰাৰ্থী।
Published by: Sanjay Kumar Das
First published: September 24, 2020, 12:28 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading