আলোচনালৈ আহি পৰেশ বৰুৱাই অসমীয়া জাতিৰ সুৰক্ষাৰ দায়িত্ব ল‌ওকঃ জিতেন দত্ত

তিনিচুকীয়াৰ কাকপথাৰত আলফাৰ আলোচনাপন্থী গোটৰ সংবাদমেল । সংবাদমেলত উপস্থিত  থাকে আলফা নেতা প্ৰবাল নেওগ, জিতেন দত্ত ,অন্তু চাউদাং সহ আলফাৰ কাকপথাৰ শিবিৰৰ কেইবাগৰাকীও জেষ্ঠ নেতা। পৰেশ বৰুৱাক আলোচনাৰ মেজলৈ আহিবলৈ অহ্বান আলফাৰ কাকপথাৰ শিবিৰৰ ।

সংবাদ মেলৰ জৰিয়তে অসমীয়া জাতিৰ সুৰক্ষাৰ স্বাৰ্থত আলফা আৰু চৰকাৰ দুয়োপক্ষ‌ই আঁকোৰগোজ মনোভাৱ পৰিত্যাগ কৰাৰ আহ্বান আলফাৰ কাকপথাৰ শিবিৰৰ । মূলসুঁতিলৈ আহি পৰেশ বৰুৱাক অসমীয়া জাতিৰ সুৰক্ষাৰ দায়িত্ব ল‌বলৈও আহ্বান জনালে আলফা নেতা জিতেন দত্ত‌ই ।

ইফালে সংবাদমেলত আলফা নেতা প্ৰবাল নেওঁগে আলফাৰ সেনাধ্যক্ষ পৰেশ বৰুৱাৰ সৈতে সঘনাই বাৰ্তালাপ হোৱা বুলি মন্তব্য কৰি যদিহে সাৰ্বভৌমত্বৰ বিষয়টো আলোচনাত স্থান পায় তেনেহলে পৰেশ বৰুৱা আলোচনাৰ বাবে আগ্ৰহী বুলিও মন্তব্য কৰে ।

অন্যহাতে সংবাদমেলৰ জৰিয়তে জাতিধ্বংসী কা'ৰ বিৰোধিতা কৰা সকলো দল সংগঠনক একত্ৰিত হোৱাৰো আহ্বান জনালে আলফা নেতা প্ৰবাল নেওঁগে ।

অসমীয়াত ব্ৰেকিং নিউজ সৰ্বপ্ৰথম News18 অসমীয়াত| শেহতীয়া খবৰ, লাইভ নিউজ আপডেট. সবাতোকৈ বিশ্বাসযোগ্য অসমীয়া নিউজ ৱেবছাইট News18 অসমীয়া|