Kaziranga National park: কাজিৰঙা ৰাষ্ট্ৰীয় উদ্যানত ৬ৰ পৰা ৮ এপ্ৰিললৈ পৰ্যটকৰ বাবে বন্ধ কৰা হ’ব জীপ চাফাৰী আৰু হাতী চাফাৰী

কাজিৰঙা ৰাষ্ট্ৰীয় উদ্যানত তিনিদিনৰ বাবে জীপ চাফাৰী আৰু হাতী চাফাৰী বন্ধ ৰখা হ’ব। বুধবাৰে কাজিৰঙা ৰাষ্ট্ৰীয় উদ্যানে এক নিৰ্দেশনা জাৰি কৰে য’ত ২০২৩ চনৰ ৬ৰ পৰা ৮ এপ্ৰিললৈ পৰ্যটকৰ বাবে জীপ চাফাৰী আৰু হাতী চাফাৰী বন্ধ ৰখাৰ কথা উল্লেখ কৰে।

চাফাৰীসমূহ ৰাষ্ট্ৰীয় উদ্যানৰ পৰিসৰৰ বাবে বন্ধ কৰা হ’ব। উক্ত নিৰ্দেশনা মতে আগন্তুক গজ উৎসৱ উদযাপনৰ বাবে কাজিৰঙা, বাগোৰী, বুৰহাপাহাৰ আৰু আগোৰাটোলী অঞ্চলত জীপ চাফাৰী আৰু হাতী চাফাৰী বন্ধ ৰখা হ’ব।

মন কৰিবলগীয়া যে, ভাৰতৰ ৰাষ্ট্ৰীয় ঐতিহ্য প্ৰাণীৰ বিষয়ে সজাগতা সৃষ্টি কৰিবলৈ গজ উৎসৱ উদযাপন কৰা হয়। এই অনুষ্ঠানটো অসম চৰকাৰৰ পৰিৱেশ আৰু বন বিভাগ; আৰু বন আৰু জলবায়ু পৰিৱৰ্তন মন্ত্ৰালয়ে তিনিদিনীয়া কাৰ্যসূচীৰে আয়োজন কৰিছে।

জানিব পৰা মতে, গজ মহোৎসৱত দেশৰ ৰাষ্ট্ৰপতিগৰাকীয়ে অংশ ল’ব। দেশৰ ৰাষ্ট্ৰপতি দ্ৰোপদী মুৰ্মু দুদিনীয়া কাৰ্যসূচীৰে আগন্তুক ৬ এপ্ৰিলত কাজিৰঙালৈ আহিব।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।