মা–দেউতাইহে জোৰ কৰিলে, মোৰ মন কলা শাখাত পঢ়াৰ আছিল...চিকিৎসক পিতৃ–মাতৃৰ উচ্চাকাংক্ষাই কেনেকৈ ধ্বংস কৰিলে মেট্ৰিকত ৯০শতাংশ নম্বৰ পোৱা নীল নক্ষত্ৰ দাসৰ জীৱন?

News18 Assam | News18-Assam
Updated:October 29, 2020, 3:20 PM IST
মা–দেউতাইহে জোৰ কৰিলে, মোৰ মন কলা শাখাত পঢ়াৰ আছিল...চিকিৎসক পিতৃ–মাতৃৰ উচ্চাকাংক্ষাই কেনেকৈ ধ্বংস কৰিলে মেট্ৰিকত ৯০শতাংশ নম্বৰ পোৱা নীল নক্ষত্ৰ দাসৰ জীৱন?
আৰক্ষীৰ জালত পৰিছে JEE ৰ বাছনি পৰীক্ষাত জালিয়াতি কৰি পৰীক্ষা দিয়া পৰীক্ষাৰ্থী নীল নক্ষত্র দাস , পিতৃ ডঃ জ্যোতিৰ্ময় দাস আৰু আজাৰাস্থিত ION ডিজিটেল জ’নৰ ধন লোৱা তিনি কৰ্মচাৰী হেমেন্দ্ৰ নাথ শৰ্মা, প্ৰাঞ্জল কলিতা আৰু হিৰুকমল পাঠক ।

আৰক্ষীৰ জালত পৰিছে JEE ৰ বাছনি পৰীক্ষাত জালিয়াতি কৰি পৰীক্ষা দিয়া পৰীক্ষাৰ্থী নীল নক্ষত্র দাস , পিতৃ ডঃ জ্যোতিৰ্ময় দাস আৰু আজাৰাস্থিত ION ডিজিটেল জ’নৰ ধন লোৱা তিনি কৰ্মচাৰী হেমেন্দ্ৰ নাথ শৰ্মা, প্ৰাঞ্জল কলিতা আৰু হিৰুকমল পাঠক ।

  • Share this:
হাইস্কুল শিক্ষান্ত পৰীক্ষাত ৯০ শতাংশ নম্বৰ লাভ কৰা আৰু উচ্চতৰ মাধ্যমিক চূড়ান্ত পৰীক্ষাত বিজ্ঞান শাখাত ৮৫ শতাংশ নম্বৰ লাভ কৰা নীল নক্ষত্র দাসৰ তিলমানো আগ্ৰহ নাছিল চায়েন্স পঢ়াৰ। তেওঁৰ সপোন আছিল কলা শাখাত অধ্যয়ন কৰাৰ । কিন্তু চিকিৎসক পিতৃ- মাতৃৰ হেঁচাত নীলে বিজ্ঞান শাখাত অধ্যয়ন কৰিব লগা হৈছিল । কোনো কাৰণতে প্ৰতিযোগিতামুলক পৰীক্ষাত অৱতীৰ্ণ হ’ব বিচৰা নাছিল নীলে ।

জালত পৰাৰ পিছতে আৰক্ষীৰ উচ্চপদস্ত বিষয়াৰ আগত স্বীকাৰ কৰিছে জেইই কেলেংকাৰীৰ ছাত্ৰ নীল নক্ষত্র দাসে ।

আৰক্ষীৰ জালত পৰিছে JEE ৰ বাছনি পৰীক্ষাত জালিয়াতি কৰি পৰীক্ষা দিয়া পৰীক্ষাৰ্থী নীল নক্ষত্র দাস , পিতৃ ডঃ জ্যোতিৰ্ময় দাস আৰু আজাৰাস্থিত ION ডিজিটেল জ’নৰ ধন লোৱা তিনি কৰ্মচাৰী হেমেন্দ্ৰ নাথ শৰ্মা, প্ৰাঞ্জল কলিতা আৰু হিৰুকমল পাঠক ।

JEE পৰীক্ষা অনুষ্ঠিত হৈছিল যোৱা ৫ ছেপ্টেম্বৰত ION ডিজিটেল জ’নত । এই পৰীক্ষাত গুৱাহাটী ডনবস্ক’ৰ ছাত্ৰ নীল নক্ষত্র দাসৰ বিপৰীতে অন্য লোকে পৰীক্ষা দিছিল অন্য পৰীক্ষা কেন্দ্ৰত।  নীলৰ পিতৃয়ে প্ৰায় ২০ লাখৰো অধিক ধন দি অন্য লোকৰ দ্বাৰা পৰীক্ষা দিয়াইছিল। JEE পৰীক্ষাত ৯৯.৮% লাভ কৰি উত্তীৰ্ণ হৈছিল নীল। অতি কম সময়ৰ ভিতৰতে আৰক্ষীয়ে ধনৰ লেন দেন কৰি পৰীক্ষাত বহা লোকজনক গ্ৰেপ্তাৰ কৰাৰ আশ্বাস দিছে।

ভাৰতীয় দণ্ডবিধিৰ ১২০ (বি)/৪১৯/৪০৬ ধাৰাত এই লোক কেইজনক গ্ৰেপ্তাৰ কৰিছে আৰক্ষীয়ে। JEE( মেইন) পৰীক্ষাত টকাৰ বিনিময়ত পুত্ৰৰ সলনি আন ব্যক্তিক পৰীক্ষাত বহিবলৈ দি এই পৰীক্ষাত শীৰ্ষ স্থান লাভ কৰিছিল নীল নক্ষত্ৰ দাসে।

পৰীক্ষাত অভাৱনীয় সাফল্য লাভ কৰাৰ পিছত এজন বন্ধুৰ আগত কৈছিল চিকিৎসক পুত্ৰই। বন্ধুৰ আগত দিয়া টেলিফোনিক বাৰ্তালাপত ২০লাখ টকাৰে সফলতা ক্ৰয় কৰাৰ কথা স্বীকাৰ কৰিছিল ছাত্ৰজনে। উল্লেখ্য যে, দুই চিকিত্‍সক পিতৃ–মাতৃৰ সন্তানজনে এই পৰীক্ষাত ৰাজ্যৰ ভিতৰতে শীৰ্ষ স্থান লাভ কৰিছিল।

পৰৱৰ্তী সময়ত ২৩ অক্টোবৰত মিত্ৰদেৱ মহন্ত নামৰ এজন ব্যক্তিয়ে ৰুজু কৰিছিল এক গোচৰ। এই গোচৰত ছাত্ৰগৰাকীয়ে তেওঁৰ বন্ধুৰ আগত পৰীক্ষাত নবহাকৈয়ে শীৰ্ষ স্থান লাভ কৰাৰ কথা সদৰী কৰিছিল। ৫ ছেপ্টেম্বৰ, ২০২০ত অনুষ্ঠিত হৈছিল JEEৰ এই পৰীক্ষা।

মিত্ৰদেৱ মহন্তই ইতিমধ্যে ৰাষ্ট্ৰীয় পৰ্যায়ৰ পৰীক্ষা সমিতিকো এই ভয়ংকৰ কাণ্ডৰ বিষয়ে অৱগত কৰিছে। মহন্তৰ গোচৰৰ পিছতে মহানগৰ আৰক্ষীয়ে তৎপৰতাৰে ব্যৱস্থা লৈ অনুসন্ধান আৰু তদন্ত চলাই ৫জনক গ্ৰেপ্তাৰ কৰে। অতি তাৎপৰ্যপূৰ্ণ যে নীল নক্ষত্ৰ দাসৰ মাতৃও মহানগৰীৰ এখন ব্যক্তিগত চিকিৎসালয়ৰ চিকিৎসক।

আজি আটাইকেইজন অভিযুক্তক চিজেএম আদালতত হাজিৰ কৰোৱা হয়।
First published: October 29, 2020, 2:59 PM IST
আৰু চাওক
পৰৱৰ্তী বাতৰি

শেহতীয়া বাতৰি