உங்கள் மாவட்டத்தைத் தேர்வுசெய்க

    • Home
    • »
    • News
    • »
    • assam
    • »
    • Project Sadbhavana: জনতা ভৱনত কোন কোন আহে আৰু কিয় আহে? ব্যাখ্যা কৰিলে মুখ্যমন্ত্ৰীয়ে

    Project Sadbhavana: জনতা ভৱনত কোন কোন আহে আৰু কিয় আহে? ব্যাখ্যা কৰিলে মুখ্যমন্ত্ৰীয়ে

    এক ফেব্ৰুৱাৰীৰ পৰা পেণ্ডিং ফাইল নিষ্পত্তিৰ কাম আৰম্ভ আৰু ১০ মে'ত সকলো ফাইল নিষ্পত্তি হ'ব

    এক ফেব্ৰুৱাৰীৰ পৰা পেণ্ডিং ফাইল নিষ্পত্তিৰ কাম আৰম্ভ আৰু ১০ মে'ত সকলো ফাইল নিষ্পত্তি হ'ব

    এক ফেব্ৰুৱাৰীৰ পৰা পেণ্ডিং ফাইল নিষ্পত্তিৰ কাম আৰম্ভ আৰু ১০ মে'ত সকলো ফাইল নিষ্পত্তি হ'ব

    • Share this:
    জনতা ভৱনত পৰি ৰৈছে নিষ্পত্তিবিহীন লাখৰ হিচাপত ফাইল ৷ পুৰণি ফাইল নিষ্পত্তি হ'ব মিছন সদভাৱনাৰ জৰিয়তে ৷ পহিলা ফেব্ৰুৱাৰীৰ পৰা আৰম্ভ হ'বলগীয়া মিছন সদভাৱনাৰ ফাইল নিষ্পত্তিৰ কামৰ পূৰ্বে মাগদৰ্শনমূলক বৈঠকত বহিল মুখ্যমন্ত্ৰী ড° হিমন্ত বিশ্ব শৰ্মা (CM Himanta Biswa Sarma) ৷

    শ্ৰীমন্তশঙ্কৰদেৱ কলাক্ষেত্ৰত (Srimanta Sankardeva Kalakshetra) আয়োজিত এই বৈঠকত উপস্থিত থাকিল জনতা ভৱনৰ বিষয়া-কৰ্মচাৰী (CM meeting with Janta Bhawan officials) ৷ মিছন সদভাৱনাৰ আৰম্ভণি পূৰ্বে মাগদৰ্শনমূলক বৈঠকত মুখ্যমন্ত্ৰী ড° শৰ্মাই ২০০২ চনৰ পৰা তেওঁ মন্ত্ৰী হিচাপে জনতা ভৱনৰ ভিতৰ চ'ৰাক ভালকৈ জানে বুলি উল্লেখ কৰি জনতা ভৱনৰ একাংশ বিষয়া-কৰ্মচাৰীৰ স্বভাৱৰ উনুকিয়াই ৷

    এইবাৰ মুখ্যমন্ত্ৰীৰ প্ৰশ্ন- জনতা ভৱনলৈ মানুহ কিয় আহে? কি কামৰ বাবে জনতা ভৱনত মানুহে ভিৰ কৰে? কোন কোন বিভাগলৈ মানুহ বেছি আহে? মুখ্যমন্ত্ৰীয়ে জনতা ভৱনৰ বিষয়া-কৰ্মচাৰীক সন্মুখত বহোৱাই লৈ এনেদৰে ক'লে ।

    মুখ্যমন্ত্ৰীৰ মতে ১৯৮৫ৰ আগলৈকে জনতা ভৱনত মানুহ বেছি নাহিছিল ৷ ১৯৮৫ৰ পিছৰ পৰাহে অহা আৰম্ভ হয় ৷ পিছে কোন কোন মানুহে ৰাইজৰ কাম কৰি দিম বুলি টকা তুলি দূৰ-দূৰণিৰ পৰা জনতা ভৱনলৈ আহে ৷ ইয়াৰ ব্যাখ্যাও জনতা ভৱনৰ বিষয়া-কৰ্মচাৰীৰ সন্মুখত দিলে মুখ্যমন্ত্ৰীয়ে ৷

    এইবাৰ মুখ্যমন্ত্ৰী ড° শৰ্মাই ক'লে নিজৰ কথা৷ তেওঁ প্ৰাক্তন মুখ্যমন্ত্ৰী হ'ব নিবিচাৰে যদিও সময়ে তাক কেতিয়াও নামানিব ৷ অৱসৰৰ দিন এদিন আহিবই ৷

    মাটিৰ পেণ্ডি কাম নিষ্পত্তি কৰাৰ বাবে আৰম্ভ কৰা মিছন বসুন্ধৰাত প্ৰথম পৰ্যায়তে আঠ লাখ লোকে আবেদন কৰা বুলি উল্লেখ কৰে মুখ্যমন্ত্ৰীয়ে ৷ মুখ্যমন্ত্ৰীৰ দাবী- “ছিষ্টেমৰ ভয়ত এই আঠ লাখ মানুহে কাম নিষ্পত্তিৰ বাবে আগবাঢ়ি অহা নাছিল ৷ মিছন বসুন্ধৰাৰ জৰিয়তে এই কথা প্ৰমাণ হ'ল ৷”

    মিছন বসুন্ধৰাৰ দৰে এতিয়া জনতা ভৱনত পেণ্ডিং হৈ পৰি থকা ফাইল সমূহ নিষ্পত্তি কৰাৰ বাবে পহিলা ফেব্ৰুৱাৰীৰ পৰা কাম আৰম্ভ হ'ব ৷ ইয়াৰ পূৰ্বে ২৫ জানুৱাৰীত জনতা ভৱনত কৰ্মৰত IAS আৰু ACS সকলৰ সৈতে এক বৈঠকত বহিব মুখ্যমন্ত্ৰী ৷ একেদৰে ২৭ জানুৱাৰীত ৰৈ যোৱা জনতা ভৱনৰ বিষয়া-কৰ্মচাৰীৰ সকলৰে আন এক বৈঠকত বহিব মুখ্যমন্ত্ৰী ৷ মুখ্য সচিবৰ পৰা আৰম্ভ কৰিব অন্যান্য বিষয়াসকলে প্ৰতিদিনত দুহাজাৰ কৈ ফাইল নিস্পত্তি কৰাৰ পৰামৰ্শ দিলে মুখ্যমন্ত্ৰীয়ে ৷

    বিষয়া-কৰ্মচাৰী সকলক উদ্দেশ্যি মুখ্যমন্ত্ৰী ড° শৰ্মাই এইবাৰ ক'লে- “মই হাৰাশাস্তি কৰা বুলি নাভাবিব ৷ এয়া ৰাইজৰ কাম আৰু ৰাইজৰ কাম আপোনালোকে কৰক ৷ এয়া সৌভাগ্যৰ কথা বুলি বিবেচনা কৰক ৷”

    জনতা ভৱনৰ পৰিৱেশ সুস্থ আৰু স্বাস্থ্যসন্মত কৰাত গুৰুত্ব দি মুখ্যমন্ত্ৰী ড° শৰ্মাই ক'লে- “এঘাৰ মে'ৰ পৰা ই-অফিছৰ কাম আৰম্ভ হ'ব ৷ ২০২৩ৰ দহ মে'ৰ ভিতৰত সম্পূৰ্ণ হৈ উঠিব ই-অফিছ ৷”
    Published by:Gautam Barman
    First published: