உங்கள் மாவட்டத்தைத் தேர்வுசெய்க

    • Home
    • »
    • News
    • »
    • assam
    • »
    • কেৰ'টিনা, ভেলেণ্টিনাৰে চমক জামুগুৰিহাটৰ খেতিয়ক শৰৎ বৰুৱাৰ, ক'লে নিজৰ অভিজ্ঞতা

    কেৰ'টিনা, ভেলেণ্টিনাৰে চমক জামুগুৰিহাটৰ খেতিয়ক শৰৎ বৰুৱাৰ, ক'লে নিজৰ অভিজ্ঞতা

    অসমৰ ভিন্ন স্থানত ইতিমধ্যে আদৰি লোৱা এই খেতিৰ পৰা কৃষক যথেষ্ট পৰিমাণে আগবঢ়াৰ থল আছে ৷

    অসমৰ ভিন্ন স্থানত ইতিমধ্যে আদৰি লোৱা এই খেতিৰ পৰা কৃষক যথেষ্ট পৰিমাণে আগবঢ়াৰ থল আছে ৷

    অসমৰ ভিন্ন স্থানত ইতিমধ্যে আদৰি লোৱা এই খেতিৰ পৰা কৃষক যথেষ্ট পৰিমাণে আগবঢ়াৰ থল আছে ৷

    • Share this:
    খেতিৰ সুবাস সুকীয়া ৷ লাভ-লোকচানৰ কথাও সুকীয়া ৷ সদায় নতুনত্বৰ সন্ধানত থাকে একাংশ খেতিয়ক ৷ নিজ কৃষি উৎপাদিত পাচলিৰে উৎফুল্ল হয় সততে কৃষকসকল ৷ তাৰে মাজৰ এজন জামুগুৰিহাটৰ যুৱ কৃষক শৰৎ বৰুৱা ৷ আপোনাৰ আহাৰৰ থালখনৰ কাষত কেৰ'টিনা আৰু ভেলেণ্টিনা ৷ এয়া কোনো বলীউড বা হলীউডৰ নায়িকাৰ নাম নহয় ৷ কেৰ'টিনা আৰু ভেলেণ্টিনা (Cerotena and Valentena)  হৈছে মূলতঃ নতুন জাতৰ দুটা ফুলকবিহে ৷



    ব্ৰকলীয়ে বজাৰ দখল কৰাৰ পিছত এইবাৰ অসমৰ বজাৰত দপদপাইছে কেৰ'টিনা আৰু ভেলেণ্টিনাই ৷ এয়া হৈছে শোণিতপুৰ জিলাৰ জামুগুৰিহাটৰ যুৱ কৃষক শৰৎ বৰুৱা (young farmer from Jamugurihat) (দুদু)ৰ খেতি ৷ মাটি কম, কৃষি বিভাগৰ প্ৰশিক্ষণ আৰু সহযোগিতা অবিহনে দুদুৱে কৰি গৈছে খেতি৷ এইবাৰ স্বভাৱজাত ফুলকবি, ব্ৰকলীৰ লগতে কৰা ভেলেণ্টিনা আৰু কেৰ'টিনাৰ সুন্দৰ খেতি হৈছে শৰৎ বৰুৱাৰ ৷

    "ভাল লাগে নতুন কিবা এটা কৰি ৷ আমাৰ সুবিধা কম ৷ তাৰ মাজৰে দহ বছৰ ধৰি খেতি কৰি আহিছোঁ ৷ এইবাৰ SYNGENTAৰ এই দুই বীজ কৰি চালোঁ৷ বেছিবলৈ মন নাযায় ৷ ইমান ধুনীয়া খেতিদৰা সেয়া চায়েই আপ্লুত ৷ কিন্তু বিক্ৰী কৰিবই লাগিব ৷ কৰিছোঁ, ভাল দাম পাইছো ৷"—শৰৎ বৰুৱাই কয়।



    কৃষক বজাৰলৈ নতুনকৈ এই দুবিধ সুস্বাদু আৰু দেখাত সুন্দৰ ব্যঞ্জনক লৈ এতিয়া আগ্ৰহ বাঢ়িছে ৰাইজৰ ৷ উল্লেখ্য যে কেৰ'টিনাত আছে বহু ঔষধি গুণো ৷কেৰ'টিনাই ৰোগ প্ৰতিৰোধ ক্ষমতা বৃদ্ধিৰ লগতে প্ৰচুৰ পৰিমাণে দিয়ে ভিটামিন A । আনহাতে ভেলেণ্টিনাত থাকে এণ্টিঅক্সিডেণ্ট ৷

    অসমৰ ভিন্ন স্থানত ইতিমধ্যে আদৰি লোৱা এই খেতিৰ পৰা কৃষক যথেষ্ট পৰিমাণে আগবঢ়াৰ থল আছে ৷ অৱশ্যেই ইয়াৰ বাবে লাগিব বিভাগীয় সহায়-সহযোগ ৷ লাগিব প্ৰশিক্ষণ ৷
    Published by:Gautam Barman
    First published: