দৃষ্টি ৰাজখোৱাৰ জৰিয়তে পৰেশ বৰুৱাক বশ কৰা অসম্ভৱ!

News18 Assam | News18-Assam
Updated:November 15, 2020, 1:57 PM IST
দৃষ্টি ৰাজখোৱাৰ জৰিয়তে পৰেশ বৰুৱাক বশ কৰা অসম্ভৱ!
আমাৰ হাতত পৰা তথ্য মতে, সাধাৰণ সম্পাদক অনুপ চেতিয়াই আলোচনাপন্থী গোটত চামিল কৰাৰ প্ৰস্তাৱ দিছে দৃষ্টি ৰাজখোৱা ওৰফে মনোজ ৰাভাক ৷

আমাৰ হাতত পৰা তথ্য মতে, সাধাৰণ সম্পাদক অনুপ চেতিয়াই আলোচনাপন্থী গোটত চামিল কৰাৰ প্ৰস্তাৱ দিছে দৃষ্টি ৰাজখোৱা ওৰফে মনোজ ৰাভাক ৷

  • Share this:
২১ নৱেম্বৰত মেঘালয়ত সেনা চোৰাংচোৱাৰ ওচৰত আত্মসমৰ্পণ কৰা দৃষ্টি ৰাজখোৱাক লৈ এতিয়া তৎপৰ অনুপ চেতিয়া ৷ দুদিন ৰঙিয়াৰ ৰেডহৰ্ণ ডিভিজনত সেনাৰ কব্জাত থকা আলফা স্বাধীনৰ উপ-মুখ্য সেনাধ্যক্ষ দৃষ্টি ৰাজখোৱা সম্প্ৰতি অসম আৰক্ষীৰ জিম্মাত আছে ৷ পিছে দৃষ্টিক লৈ কি কৰিব বিচাৰিছে অনুপ চেতিয়াই?

আমাৰ হাতত পৰা তথ্য মতে, সাধাৰণ সম্পাদক অনুপ চেতিয়াই আলোচনাপন্থী গোটত চামিল কৰাৰ প্ৰস্তাৱ দিছে দৃষ্টি ৰাজখোৱা ওৰফে মনোজ ৰাভাক ৷



এইক্ষেত্ৰত আলোচনাৰ মেজত থকা আলফাৰ নেতৃত্বই আনুষ্ঠানিক সিদ্ধান্ত ল'ব দুই-এদিনতে ৷ লগতে অসম চৰকাৰকো অৰবিন্দ ৰাজখোৱা আৰু অনুপ চেতিয়া নেতৃত্বাধীন আলফাই দিব প্ৰস্তাৱ ৷ কিয়নো আত্মসমৰ্পণ কৰা দৃষ্টি ৰাজখোৱাক আলোচনাৰ মেজলৈ আনিবলৈ হ'লে প্ৰয়োজন হ'ব ৰাজ্য চৰকাৰৰ অনুমোদনৰ ৷ এইক্ষেত্ৰত ৰাজ্য চৰকাৰে অনুমোদন দিবলৈ সাজু বুলিও দিছপুৰৰ এক শীৰ্ষ সুত্ৰই সদৰি কৰিছে ৷

ইপিনে সেনাৰ জিম্মাত থকাৰ কালত দৃষ্টি ৰাজখোৱাক প্ৰশ্ন কৰা হৈছিল সংগঠনৰ মুখ্য সেনাধ্যক্ষ তথা উপ সভাপতি পৰেশ বৰুৱাৰ অৱস্থিতি সম্পৰ্কত ৷ কিন্ত আমাৰ হাতত পৰা খবৰ মতে, দৃষ্টিৰ হাতত নাই পৰেশ বৰুৱা সন্দৰ্ভত বিশেষ তথ্য ৷ এনেসন্ধিক্ষণত সম্ভৱ নহয় দৃষ্টি ৰাজখোৱাৰ জৰিয়তে পৰেশ বৰুৱাক ঢুকি পোৱাটো ৷ ইয়াৰ লগতে News18ৰে হোৱা টেলিফোনিক বাৰ্তালাপত পৰেশ বৰুৱাই কোনো কাৰণত কেতিয়াও আত্মসমৰ্পণ বা সাৰ্বভৌম স্বাধীন অসমৰ নামত আপোচ নকৰে বুলি স্পষ্ট কৰি আহিছে ৷ ইপিনে দৃষ্টি ৰাজখোৱাই আলোচনাপন্থী গোটত যোগ দিব নে নাই, সেয়া এতিয়াও স্পষ্ট হোৱা নাই ৷
Published by: Himangshu Bhuyan
First published: November 15, 2020, 1:57 PM IST
আৰু চাওক
পৰৱৰ্তী বাতৰি

শেহতীয়া বাতৰি