• Home
  • »
  • News
  • »
  • assam
  • »
  • Ajanta Neog : কোভিডৰ তৃতীয় ঢৌৰ সৈতে যুঁজিবলৈ সাজুনে বিত্ত বিভাগ? কি কয় মন্ত্ৰী অজন্তা নেওগে?

Ajanta Neog : কোভিডৰ তৃতীয় ঢৌৰ সৈতে যুঁজিবলৈ সাজুনে বিত্ত বিভাগ? কি কয় মন্ত্ৰী অজন্তা নেওগে?

File Photo

File Photo

বিৰোধীয়ে বিগত বিধানসভাৰ শীতকালীন অধিৱেশনত ৰাজভঁৰাল উদং বুলি অনা অভিযোগ পুনৰ নস্যাৎ কৰিলে মন্ত্ৰী অজন্তা নেওগে৷ এইক্ষেত্ৰত উদাহৰণ হিচাপে দিলে চৰকাৰী কৰ্মচাৰীক ১১% বোনাচ মুকলিৰ কথা৷

  • Share this:
কোভিডৰ তৃতীয় ঢৌৱে শংকিত কৰি তুলিছে সকলোকে৷ এই সময়খিনিত বিত্তীয় ব্যৱস্থাটোৰ কথা আহি পৰিছে৷ কোভিডৰে যুঁজিবলৈ সকলো প্ৰকাৰে সাজুনে ৰাজ্যৰ বিত্ত বিভাগ? পুনৰ ভয়াৱহ ৰূপ লৈছে কোভিড অতিমাৰীয়ে৷ মন্ত্ৰী, সাংসদৰ পৰা সকলো পৰিছে কোভিডৰ কবলত৷ ইয়াৰ মাজতে অমিক্ৰনেও শংকিত কৰি তুলিছে সকলোকে৷ কোন সময়ত কি হয় কোনেও নাজানে৷ ৰাজ্য চৰকাৰৰ স্বাস্থ্য বিভাগে গুৰুত্ব সহকাৰে লোৱা এই বিষয়টোক গুৰুত্ব সহকাৰে লৈছে ৰাজ্য চৰকাৰৰ বিত্ত বিভাগেও৷ যিহেতু এই সময়ছোৱাত ৰাজ্যৰ আৰ্থ সামাজিক দিশটোও জড়িত হৈ আছে, তেনেস্থলত ৰাজ্যৰ বিত্ত বিভাগে স্পষ্ট কৰিছে নিজৰ স্থিতি।

"চাওক আমাৰ বিভাগটো এটা বেলেঞ্চ ৱে'ত চলি আছে৷ আপোনালোকে জানে আমাৰ চৰকাৰখন কোভিডৰ প্ৰথম আৰু দ্বিতীয় ঢৌ পাৰ কৰা চৰকাৰ৷ প্ৰথম দুয়োটা ঢৌ আমি সুচাৰুৰূপে পাৰ কৰিছো৷ অভিজ্ঞতাৰ দিশেৰে আমি প্ৰথমৰে পৰা কোভিডৰে যুঁজিবলৈ সজাগ হৈ আছো৷ যিকোনো বিষম পৰিস্থিতিৰ মোকাবিলা কৰিব পৰাকৈ আমি সাজু৷" – ক’লে বিত্ত মন্ত্ৰী অজন্তা নেওগে।

ইফালে, বিৰোধীয়ে বিগত বিধানসভাৰ শীতকালীন অধিৱেশনত ৰাজভঁৰাল উদং বুলি অনা অভিযোগ পুনৰ নস্যাৎ কৰিলে মন্ত্ৰী অজন্তা নেওগে৷ এইক্ষেত্ৰত উদাহৰণ হিচাপে দিলে চৰকাৰী কৰ্মচাৰীক ১১% বোনাচ মুকলিৰ কথা৷ বাজেটত দিয়া প্ৰতিটো প্ৰতিশ্ৰুতি নিয়াৰিকৈ পালন কৰাৰ কথা দোহাৰিলে মন্ত্ৰীগৰাকীয়ে৷

লগতে, মাইক্ৰ' ফাইনেঞ্চৰ ধন প্ৰদানত হোৱা বিসংগতিক লৈও নিজৰ প্ৰতিক্ৰিয়া প্ৰকাশ কৰি বিত্ত মন্ত্ৰীয়ে ক'লে, বিত্ত বিভাগৰ আয়ুক্ত সচিবক দিয়া হৈছে তদন্তৰ দায়িত্ব৷ উল্লেখ্য যে, মুখ্যমন্ত্ৰীয়ে বিচাৰিছিল দল আৰু চৰকাৰৰ মাজত সামঞ্জস্য৷ সেই ভিত্তিতে প্ৰত্যেক বিজেপি মন্ত্ৰীক মাহৰ দুটা দিন কিছু সময় দলীয় কাৰ্যকৰ্তাৰ অভাৱ–অভিযোগ জানিবলৈকে কোৱা হৈছে। শুকুৰবাৰে অজন্তা নেওগে দলীয় কাৰ্যকৰ্তাক সময় দিলে হেঙেৰাবাৰীৰ বাজপেয়ী ভৱনত৷ প্ৰথমে মহিলা মৰ্চাৰ সৈতে মত বিনিময় কৰাৰ লগতে আন আন মৰ্চা আৰু কাৰ্যকৰ্তাৰ অভাৱ–অভিযোগ সম্পৰ্কেও কাৰ্যালয়ত প্ৰায় তিনি ঘণ্টাৰ অধিক সময় কটাই বুজ ল'লে মন্ত্ৰীগৰাকীয়ে৷ এই সময়ছোৱাৰ মাজতে, মন্ত্ৰী অজন্তা নেওগে কোভিডৰ সৈতে যুঁজিবলৈ বিত্ত বিভাগ শক্তিশালী ৰূপত সাজু বুলি সংবাদ মাধ্যমক সদৰি কৰিলে৷
Published by:Sanjay Kumar Das
First published:

শেহতীয়া বাতৰি