অনলাইন শিক্ষাৰ বাবে তেজপুৰৰ Inspire Academy-এ মুকলি বিশেষ এপ, অভিভাৱকক ফাঁকি মাৰিব নোৱাৰিব ছাত্ৰ–ছাত্ৰীয়ে

লকডাউনৰ ফলত বন্ধ হৈ পৰিছে দেশৰ লগতে অসমৰো সকলো স্কুল–কলেজ। এনে অৱস্থাত অনলাইনৰ জৰিয়তে শিক্ষাদানৰ বিভিন্ন পদক্ষেপ লোৱা হৈছে। তেজপুৰৰ ইন্সপায়াৰ একাডেমীয়েও মুকলি কৰিলে এনে এক বিশেষ এপ।

ইতিমধ্যে অনলাইনৰ জৰিয়তে শিক্ষালাভৰ বিভিন্ন মাধ্যম মুকলি হৈছে যদিও এই এপৰ কথা কিছু সুকীয়া৷ কাৰণ এই এপত অভিভাৱককো সাঙুৰি লোৱা হৈছে৷ গতিকে কোনো শিক্ষাৰ্থীয়ে ফাঁকি মাৰিব নোৱাৰিব৷ Assignment কৰিছেনে নাই, Class Attend কৰিছেনে নাই, ক্লাছৰ অন্তত যি পৰীক্ষা অনুষ্ঠিত হ'ব তাত সন্তানে কি নম্বৰ লাভ কৰিলে, এই সকলো কথা এপটোৰ জৰিয়তে পোনপটীয়াকৈ অথবা পঞ্জীয়ন কৰা মোবাইলত SMSৰ জৰিয়তে অভিভাৱকে জানিব পাৰিব৷

Google Play Storeত উপলব্ধ এই এপ শিক্ষাৰ্থী অথবা অভিভাৱক হিচাপে Login কৰিব পাৰে৷ ই সম্পূৰ্ণ বিনামূলীয়া৷ ‘Inspire Academics’ হিচাপে এপটোৰ নাম শিক্ষানুষ্ঠানখনৰ নামতে নামাকৰণ কৰা হৈছে যদিও ৰাজ্যৰ সকলো প্ৰান্তৰ ছাত্ৰ-ছাত্ৰীয়ে এই এপৰ জৰিয়তে লাভ উঠাব পাৰিব৷

বৰ্তমান দ্বাদশ শ্ৰেণীৰ পাঠ্যক্ৰমত বেছি গুৰুত্ব দিয়া হৈছে৷ কলা আৰু বিজ্ঞান শাখাৰ ছাত্ৰ-ছাত্ৰীক সম্প্ৰতি Online শিক্ষা আগবঢ়োৱা Inspire Academyয়ে অচিৰেই দশম মানৰ ছাত্ৰ-ছাত্ৰীৰ বাবেও একে সেৱা উপলব্ধ কৰাব৷