কোৰোণাৰ সন্ত্ৰাস! এইবাৰ স্বাধীনতা দিৱসত কি কি কৰিব নোৱাৰিব আপুনি?

ৰাজ্যত কোৰোণাৰ ভয়াৱহতাৰ প্ৰতি লক্ষ্য ৰাখি ২০০৫ বৰ্ষৰ পিছত প্ৰথমবাৰৰ বাবে জৰ্জ খেলপথাৰত কেন্দ্ৰীয় ভাবে আয়োজন কৰা হৈছে স্বাধীনতা দিৱস ৷ এইবাৰ স্বাধীনতা দিৱস উদযাপনস্থলীলৈ গলে আপুনি মানি চলিব লাগিব কেইবাটাও নীতি নিয়ম ৷

সাধাৰণ দৰ্শকৰ বাবেও দিয়া হৈছে বিশেষ নীতি নিৰ্দেশনা ৷ সাধাৰণ দৰ্শকেও মানিব লাগিব কেইবাটাও নীতি নিৰ্দেশনা ৷ দৰ্শকে মানি চলিব কোভিড19ৰ সকলো নীতি নিৰ্দেশনা ৷ তাৰ লগতে পেৰেড উপভোগ কৰাৰ সময়ছোৱাত মানি চলিব লাগিব সামাজিক ব্যৱধান।

ইয়াৰ সমান্তৰালকৈ স্বাধীনতা দিৱসৰ সময়ছোৱাত যাতে কোনো উগ্ৰপন্থী সংগঠনে কূটাঘাট  সংঘটিত কৰিব নোৱাৰে তাৰ কাৰণেও মহানগৰ আৰক্ষীয়ে লৈছে বিশেষ ব্যৱস্থা ৷

"গুৱাহাটীত বৰ্তমান সময়ত কোনো ভাবুকি নাই কিন্তু উত্তৰ-পূবৰ উগ্ৰপন্থী সংগঠন কেইটাই গুৱাহাটীত কূটাঘাট চলাবলৈ সদায় চেষ্টা কৰি কৰি আহিছে ৷ যাৰ বাবে জৰ্জ খেলপথাৰত কৰা হৈছে সকলো ধৰণৰ নিৰাপত্তা ব্যৱস্থা। "

আৰক্ষী আয়ুক্ত মুন্না প্ৰসাদ গুপ্তাই news18 ৰ আগত কৰা মন্তব্য অনুসৰি এইবাৰ স্বাধীনতা দিৱস উগ্ৰপন্থীৰ ভাবুকিতকৈ বেছি কোভিড 19ৰ সুৰক্ষাত বেছি গুৰুত্ব দিছে ৷