''চৰকাৰী কৰ্মচাৰীক এখনো তামোল নুখুৱাব, তেওঁলোকৰ পৰা আপুনিহে তামোল খাওক''- কিয় ক'লে মুখ্যমন্ত্ৰীয়ে?

দিছপুৰত মুখ্যমন্ত্ৰীৰ চকীত বহিয়ে দুৰ্নীতিৰ বিৰুদ্ধে কঠোৰ ভূমিকা গ্ৰহণ কৰিছিল মুখ্যমন্ত্ৰী হিমন্ত বিশ্ব শৰ্মাই ৷ দুৰ্নীতিৰ বিৰুদ্ধে শূন্য সহনশীল স্থিতি লোৱা মুখ্যমন্ত্ৰীগৰাকী এতিয়াও সেই  স্থিতিতে আছে ৷ সেয়ে বৃহস্পতিবাৰে পুনৰ দোহাৰিলে সেই কথা ৷

মুখ্যমন্ত্ৰীগৰাকীয়ে কয়- চৰকাৰী কৰ্মচাৰীক এখনো তামোল নুখোৱাব ৷ বিপৰীতে চৰকাৰী কৰ্মচাৰীৰ পৰা আপুনি তামোল খাওক ৷ কিয়নো তেওঁলোকক কামৰ বাবদ ৰাজকোষৰ ধন ব্যয় কৰি দৰমহা প্ৰদান কৰা হয় ৷ গতিকে তেওঁলোকে কাম কৰাটো তেওঁলোকৰ দায়িত্ব ৷ তাৰ বিনিময়ত কোনো কৰ্মচাৰীয়ে ধন বিচাৰিব, এয়া হ'ব নোৱাৰে ৷

মুখ্যমন্ত্ৰীয়ে (CM Himanta Biswa Sarma) জনতালৈ আহ্বান জনায়- কোনোবাই ধন বিচাৰিলে লগে লগে প্ৰশ্ন কৰক ৷ কিয় ধন দিব লাগে ৷ কিয় ঘোচ দিব লাগে ৷ চৰকাৰী চকীত বহি চৰকাৰী কাম কৰাটো তেওঁলোকৰ দায়িত্ব ৷ প্ৰয়োজনত কাম কৰি দিয়া কৰ্মচাৰীৰ পৰা জনতাক তামোল খাবলৈ আহ্বান জনায় মুখ্যমন্ত্ৰী শৰ্মাই ৷

শুকুৰবাৰে আমিনগাঁওত কৰা এনে মন্তব্যৰ পাছত প্ৰকৃততে চৰকাৰী কৰ্মচাৰীয়ে কি আচৰণ কৰে, সেয়া সময়তহে লক্ষণীয় হ'ব।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।