» অসম

শনিবাৰে মুখ্যমন্ত্ৰী হিমন্ত বিশ্ব শৰ্মাই এখন সংবাদমেল সম্বোধন কৰি বহুকেইটা দিশত গুৰুত্বপূৰ্ণ মন্তব্য কৰে। সাংবাদিকে 'লাভ জেহাদ'ৰ সন্দৰ্ভত কৰা এক বিশেষ প্ৰশ্নৰ সন্দৰ্ভত মুখ্যমন্ত্ৰী শৰ্মাই তাত্পৰ্যপূৰ্ণ মন্তব্য কৰে। মুখ্যমন্ত্ৰীগৰাকীয়ে কয়  যে,  ''লাভ জেহাদ বুলি নহয়। হিন্দুৱে হিন্দুকো কৰিব নোৱাৰিব প্ৰৱঞ্চনা। এইটো নহয় যে, মুছলমানে হিন্দুক প্ৰৱঞ্চনা কৰিলেহে লাভ জেহাদ হ'ব। হিন্দু যুৱতীক যদি বিবাহৰ ক্ষেত্ৰত হিন্দু যুৱকে প্ৰৱঞ্চনা কৰে, সেয়াও 'জেহাদ'। ''

ইফালে জেহাদ শব্দক মুখ্যমন্ত্ৰীগৰাকীয়ে বিশ্বাস নকৰে বুলি কয়। মুখ্যমন্ত্ৰী শৰ্মাই বিশ্বাস কৰে যে, প্ৰৱঞ্চনা কেতিয়াও হ'ব নালাগে। সেয়া লাগিলে হিন্দুৱেই হওক বা মুছলমানেও হওক, কেতিয়াও বিবাহৰ ক্ষেত্ৰত প্ৰৱঞ্চনা কৰিব নালাগে।

ইফালে আজিৰ সংবাদমেলত ৰাজ্যৰ শেহতীয়া কোৰোণা পৰিস্থিতিৰ সন্দৰ্ভতো মন্তব্য কৰে মুখ্যমন্ত্ৰী শৰ্মাই। 

অহা বুধবাৰৰ পৰা ৰাজ্যৰ সাত খন জিলাক বাদ দি আনসমূহ জিলাত শিথিল হ'ব কোৰোণাৰ বিধি।