বোকাখাতত গঁড়ৰ খড়্গসহ আটক পতি–পত্নী

বোকাখাতত গঁড়ৰ খড়্গসহ আটক পতি–পত্নী। দেওবাৰে নিশা আটক উৰুকা পেগু আৰু তেওঁৰ পত্নীক। তেওঁলোকৰ পৰা এটা গঁড়ৰ খৰ্গ উদ্ধাৰ কৰিছে আৰক্ষীৰ অভিযানকাৰী দলে৷ সোমবাৰে গহপুৰৰ এজন ব্যক্তিয়ে বোকাখাতৰ ৩নং দ-গাঁৱৰ উৰুকা পেগুৰ পত্নীৰ  হাতত গঁড় খড়্গটো বিক্ৰীৰ বাবে দি থৈ যোৱা বুলি স্বীকাৰ কৰিছে মহিলাগৰাকীয়ে৷

খড়্গটো ঘৰৰ ভিতৰত এটা বেগৰ ভিতৰত লুকুৱাই থোৱা অৱস্থাত আৰক্ষীৰ অভিযানকাৰী দলে উদ্ধাৰ কৰে ৷ এই সংক্ৰান্তত বোকাখাত আৰক্ষীৰ অভিযান অব্যাহত আছে৷ ইতিমধ্যে বোকাখাত আৰক্ষীয়ে বন সুৰক্ষা আইনৰ অধীনত পতি-পত্নীক কাজিৰঙাৰ বন বিভাগৰ হাতত চমজাই দিয়ে৷ ফৰেনছিক পৰীক্ষাৰ পিছতহে নিশ্চিত হ’ব খড়্গটো আচল নে নকল৷ দেওবাৰেও বোকাখাত আৰক্ষীয়ে ১৭ ৰাউণ্ড সক্ৰিয় গুলীসহ এটা গঁড় চিকাৰীক গ্ৰেপ্তাৰ কৰিছিল৷