Jagiroad News: পত্নীক ব্লেডেৰে ক্ষতবিক্ষত কৰা পাষাণ স্বামী মজিবুৰ ৰহমান আৰক্ষীৰ জালত

জাগীৰোড আৰক্ষীৰ জালত পৰিল পত্নীক ব্লেডেৰে ক্ষতবিক্ষত কৰা পাষাণ স্বামী মজিবুৰ ৰহমান ৷ পলাতক হৈ থকা পাষাণ স্বামী মজিবুৰক দেওবাৰে নিশা আটক কৰিবলৈ সক্ষম হয় জাগীৰোড আৰক্ষীয়ে ৷

উল্লেখ্য যে, বিগত ১৫ মাৰ্চত এই চাঞ্চল্যকৰ ঘটনা সংঘটিত হৈছিল শিলভঙাত ৷ মাত্ৰ তিনিমাহ পূৰ্বে সামাজিকভাৱে বিবাহ কৰোৱা পত্নীক কোঠাত আবদ্ধ কৰি ব্লেডেৰে উপৰ্যুপৰি আঘাত কৰিছিল স্বামী মজিবুৰ ৰহমানে ৷

এই কাৰ্যত সহায় কৰিছিল শাহু মজিদা খাতুনে ৷ যাৰ ফলত পত্নীৰ দেহত পৰিছিল ৭১ টাকৈ চিলাই ৷ যৌতুকৰ বাবেই ইতিপূৰ্বে বোৱাৰীগৰাকীক শাৰীৰিক আৰু মানসিক অত্যাচাৰ চলোৱাৰ অভিযোগ উত্থাপন কৰিছিল পৰিয়ালৰ লোকে ।

অৱশেষত জাগীৰোড আৰক্ষীয়ে আটক কৰিবলৈ সক্ষম হয় পলাতক হৈ থকা পাষাণ স্বামী মজিবুৰ ৰহমানক ৷ অৱশ্যে এতিয়াও পলাতক হৈ আছে বোৱাৰীগৰাকীৰ শাহু মজিদা খাতুন আৰু শহুৰ জাহেদ আলী ৷

সমগ্ৰ ঘটনা সন্দৰ্ভত তদন্ত অব্যাহত আছে বুলি জনাইছে জাগীৰোড আৰক্ষী থানাৰ ভাৰপ্ৰাপ্ত পৰিদৰ্শক মুন প্ৰকাশ তিৱাৰীয়ে ৷

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।