এইবাৰ ৰাজ্যত কিদৰে উদযাপন কৰিব পাৰিব ঈদ? স্বাস্থ্যমন্ত্ৰীয়ে কৰিলে ঘোষণা...

সোমবাৰে ৰাজ্য চৰকাৰৰ ফালৰ পৰা জাৰি কৰা হ'ল কোৰোণাৰ নতুন SOP। শেহতীয়া কোৰোণা পৰিস্থিতিৰ সন্দৰ্ভত সংবাদমেল সম্বোধন কৰি কেশৱ মহন্তই কেতবোৰ গুৰুত্বপূৰ্ণ মন্তব্য কৰে। এইবাৰ ৰাজহুৱা স্থানত পঢ়িব নোৱাৰিব ঈদৰ নামাজ। স্বাস্থ্যমন্ত্ৰীগৰাকীয়ে সকলো ইছলামধৰ্মী লোকক এইবাৰ ঘৰতে ঈদ উদযাপন কৰিবলৈ আহ্বান জনায়।

সংবাদমেল যোগে ৰাজ্যবাসীক ঈদৰ শুভেচ্ছা জনাই স্বাস্থ্যমন্ত্ৰী কেশৱ মহন্তই হাতজোৰ কৰি কয় যে, 'শেহতীয়া কোৰোণা পৰিস্থিতিৰ প্ৰতি লক্ষ্য ৰাখি সকলোৱে এইবাৰ ঘৰতে উদযাপন কৰক ঈদ। ঘৰতে পঢ়ক ঈদৰ নামাজ। ইয়াৰ পূৰ্বে অম্বুবাচী মেলা, বোলবোমো বাতিল কৰা হ'ল।'

ইফালে মহজিদৰ ভিতৰত পৰম্পৰাগত কাম-কাজ খিনিৰ বাবে সৰ্বাধিক ৫ গৰাকী লোকেহে নামাজ পঢ়িব পাৰিব। আনহাতে ৰাইজক সামাজিক দূৰত্ব বৰ্তাই ৰাখিবলৈ আহ্বান জনোৱাৰ লগতে ঈদৰ দিনা ৰাজহুৱা স্থানত ভিৰ নকৰিবলৈও আহ্বান জনাই স্বাস্থ্যমন্ত্ৰী কেশৱ মহন্তই।

আনহাতে আজি জাৰি কৰা কোৰোণাৰ নতুন SOP অনুসৰি-

• 
  
  
  
  • গোলাঘাট, যোৰহাট, লখিমপুৰ, বিশ্বনাথ আৰু শোণিতপুৰ জিলাক সম্পূৰ্ণ কণ্টেইনমেণ্ট জিলা ঘোষণা।
  
  
  
  

• 
  
  
  
  • মৰিগাঁও আৰু গোৱালপাৰাত শিথিল কৰি গেলামাল দোকান ৫ বজালৈ খোলা থাকিব যদিও জিলা দুখনত ২-বজাৰ পৰা সন্ধ্যা আইন বলবৎ হ'ব।
  
  
  
  

• ৰাজ্যৰ অন্যান্য জিলাত পুৱা ৫ বজাৰ পৰা বিয়লি ৪ বজালৈ খোৱা থাকিব। বাকী সময় সন্ধ্যা আইন।


• বিমান বন্দৰ আৰু ৰেলৱে ষ্টেচনত পূৰ্বোত্তৰৰ বিভিন্ন ৰাজ্যৰ লোকৰ লগতে অন্য সকলকো কভিড টেষ্ট কৰিব চৰকাৰে।


• চুলাই ঘাটি আৰু গধূলিৰ আড্ডাৰ পৰা কোৰোণা বিয়পিছে বুলি মন্তব্য কৰে কেশৱ মহন্তই।


• ডিব্ৰুগড়, শিৱসাগৰ আৰু নগাঁৱৰ ওপৰত চৰকাৰৰ চোকা নজৰ ৰাখিব।


• আন্ত:জিলা যাতায়ত পুনৰ এসপ্তাহলৈ বন্ধ থাকিব।


• বিয়া, মৃতদেহ সৎকাৰত দহ জন লোককহে অনুমতি প্ৰদান।

অসমীয়াত ব্ৰেকিং নিউজ সৰ্বপ্ৰথম News18 অসমীয়াত| শেহতীয়া খবৰ, লাইভ নিউজ আপডেট. সবাতোকৈ বিশ্বাসযোগ্য অসমীয়া নিউজ ৱেবছাইট News18 অসমীয়া|