Zubeen Garg: বিহু অনুষ্ঠানৰ পাছতে ক'ত ব্যস্ত থাকিব জুবিন গাৰ্গ?

মঙলবাৰে শিল্পী জুবিন গাৰ্গ আৰু সান্নিধ্য ভূঞাৰ "নিশিগন্ধা" শীৰ্ষক গান এটি মুকলি কৰে ৷ ৰাজগড়ৰ অভিনয়াত জুবিন গাৰ্গে মুকলি কৰে গানটো ৷ মেল'ডী গানটো শ্ৰোতাই আদৰি ল'ব বুলি আশাবাদী জুবিন গাৰ্গ ৷ উল্লেখ্যযে পৰৱৰ্তী দিনত ভিডিঅ' কৰাৰ পৰিকল্পনা জুৱিনৰ ৷ গীতটোৰ প্ৰমো ইতিমধ্যে আদৰি লৈছে শ্ৰোতাই ৷

নতুন গীতটো মুকলি কৰি জুবিন গাৰ্গে কয় যে বিহু শেষ কৰি পুনৰ আৰম্ভ কৰিব ছবিৰ কাম। আৰু দুখন বিহু অনুষ্ঠান বাকী তাৰপিছত আৰম্ভ কৰিব ছবিৰ কাম ৷ অৱশ্যে তাৰপূৰ্বে বাহিৰলৈ ফুৰিব যাব জুবিনে ৷ নিজে গাড়ী চলাই আলাক্সা, আমাজন ভ্ৰমণ কৰিব শিল্পী গৰাকীয়ে ৷ জুবিনৰ নতুন ছবি 'ৰৈ ৰৈ বিনালে'ৰ ইতিমধ্যে গানৰ কাম শেষ হৈছে বুলি জনায় জনপ্ৰিয় শিল্পী গৰাকীয়ে ৷ অক্টোবৰৰ পৰা আৰম্ভ কৰিব ছবিৰ কাম ৷ আবেগ, অনুভূতি ভৰা এখন ছবি দেখিবলৈ পাব দৰ্শকে ৷ য'ত কণ্ঠশিল্পী নীল আকাশে অভিনয় কৰা দেখিবলৈ পাব।

অন্ধ এগৰাকী শিল্পীৰ ৰূপত দেখা পাব জুবিনক ৷ উল্লেখ্য যে ইপিনে ৰাজ্য চৰকাৰৰ অধীনত কেন্দ্ৰীয় গৃহমন্ত্ৰীৰ উপস্থিতিত ২৫ মে'ত বিতৰণ হব ৪৫ হাজাৰ নিবনুৱাক নিযুক্তি পত্ৰ ৷ নিযুক্তি পত্ৰ প্ৰদান অনুষ্ঠানক লৈ শিল্পীগৰাকীৰ মন্তব্য, "কৰ্ম সংস্থাপন পালে ভাল কথা ৷" লগতে কয়, "চৰকাৰী চাকৰিৰ সমান্তৰালকৈ উৎপাদনমূলক কামত নিজকে নিয়োগ কৰিব লাগিব যুৱক-যুৱতীসকলে ৷ কিয়নো উৎপাদন বৃদ্ধি নকৰি মূল্য বৃদ্ধিৰ বিৰুদ্ধে চিঞৰি থাকি লাভ নাই ৷" যিসকলৰ মাটি-বাৰী আছে তেওলোকক কৃষিকৰ্ম কৰাৰ পৰামৰ্শ জুবিন গাৰ্গৰ ৷

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।