অপৰাধজনিত ঘটনাত বাধ্যতামূলক হ'ব ফৰেনচিক দলৰ উপস্থিতি, কেন্দ্ৰীয় গৃহ মন্ত্ৰী অমিত শ্বাহে ক'লে এই কথা ...

এদিনীয়া ভ্ৰমণ সূচীৰে অসমত উপস্থিত হোৱা কেন্দ্ৰীয় গৃহমন্ত্ৰী অমিত শ্বাহে (Home Minister Amit Shah) আনুষ্ঠানিকভাৱে আধাৰশিলা স্থাপন কৰিলে ৰাষ্ট্ৰীয় ফৰেনচিক বিজ্ঞান বিশ্ববিদ্যালয়ৰ (University of Forensic Science) ৷ শ্ৰীমন্ত শংকৰদেৱ কলাক্ষেত্ৰত অনুষ্ঠিত এক অনুষ্ঠানৰ পৰা  কেন্দ্ৰীয় গৃহমন্ত্ৰীযে ভাৰ্চুৱেলি স্থাপন কৰে এই শিলান্যাস ৷

চাংসাৰিৰ ৫১ একৰ ভূমি সামৰি স্থাপন হ'ব NFSU ৰ চৌহদ ৷ প্ৰায় ৩০০ কোটি টকা ব্যয় সাপেক্ষে নিৰ্মাণ হ'ব NFSUৰ চৌহদ ৷ ২০৩০ ৰ ভিতৰত নিৰ্মাণ সম্পূৰ্ণ কৰাৰ লক্ষ্য NFSUৰ চৌহদৰ ৷ প্ৰথম পৰ্যায়ৰ নিৰ্মাণ সম্পূৰ্ণ হ'ব ২০২৬ চনৰ ভিতৰত ৷ NFSUৰ চৌহদত থাকিব বিভিন্ন বিভাগৰ ৩ হাজাৰখন আসন ৷ দেশৰ বিভিন্ন ৰাজ্যৰ আৰক্ষী-নিৰাপত্তাৰক্ষীৰ প্ৰশিক্ষণৰো ব্যৱস্থা থাকিব ৷ উল্লেখ্য যে NFSUৰ চৌহদত ফৰেণচিক বিজ্ঞান, ছাইবাৰ ফৰেণচিক, দ্ৰোণ ফৰেণচিক, ডিজিটেল ফৰেণচিক, নিচাজাতীয় ফৰেণচিক, ফৰেণচিক ন্যায় আদি বিভাগৰ পাঠ্যক্ৰম থাকিব ৷ সৰ্বমুঠ ৫০ টা বিষয়ত স্নাতক, স্নাতকোত্তৰ পাঠ্যক্ৰমৰ সুবিধা ৷ লগতে পিএইছডি আৰু পোষ্ট ডক্টৰেলৰো সুবিধা থাকিব NFSUৰ চৌহদত ৷

বিশ্ববিদ্যালয়খনৰ এই পাঠ্যক্ৰমৰ জড়িযতে উত্তৰ পূবৰ যুৱক যুৱতীৰ নিযোগ সৃষ্টিৰ বাট মুকলি হ'ব ৷ কিয়নো NFSUত অধ্যয়ন কৰা যুৱক যুৱতীৰ চাকৰি প্ৰায় নিশ্চিত বুলি মন্তব্য কেন্দ্ৰীয় গৃহমন্ত্ৰী অমিত শ্বাহৰ ৷ কেন্দ্ৰীয় মন্ত্ৰী গৰাকীয়ে লগতে কয় যে উত্তৰ পূবৰ বাবে আজি এটা গুৰুত্বপূৰ্ণ দিন ৷ উত্তৰ পূৱৰ শিক্ষাৰ্থীয়ে দিল্লী, মুম্বাই নোযোৱাকৈ এতিয়া গুৱাহাটীত থাকি ফৰেনচিক বিজ্ঞানৰ শিক্ষা লব পাৰিব ৷ ফৰেনচিক বিশ্ববিদ্যালয়ৰ (University of Forensic Science) জড়িয়তে ন্যায় ব্যৱস্থাৰ ক্ষেত্ৰত এক সেতু স্থাপন হব ৷ এই বিশ্ববিদ্যালয়ৰ বাবে অসম চৰকাৰে ভূমি প্ৰদান কৰাৰ বাবে মুখ্যমন্ত্ৰীক ধন্যবাদ গৃহমন্ত্ৰীৰ ৷ কিয়নো অপৰাধজনিত ঘটনা নিয়ন্ত্ৰণৰ বাবে ফৰেনচিক তথ্যৰ অত্যন্ত প্ৰয়োজন ৷ যাৰ জড়িয়তে দোষী সাব্যস্ত কৰাত সহজ হয় ৷ এনে ক্ষেত্ৰত অচিৰেই ঘটনাত ফৰেনচিক দল উপস্থিত বাধ্যতামূলক কৰা হ'ব বুলিও মন্তব্য কেন্দ্ৰীয় গৃহ মন্ত্ৰীগৰাকীৰ ৷

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।