অবৈধ প্ৰেমিকাক লগ কৰিবলৈ গৈ ৰাইজৰ ৰোষত পৰিল যুুৱক, আৰক্ষীক গতাই দিয়া যুৱকৰ মৃতদেহ উদ্ধাৰক লৈ চাঞ্চল্য 

News18 Assam | News18-Assam
Updated:April 6, 2021, 3:37 PM IST
অবৈধ প্ৰেমিকাক লগ কৰিবলৈ গৈ ৰাইজৰ ৰোষত পৰিল যুুৱক, আৰক্ষীক গতাই দিয়া যুৱকৰ মৃতদেহ উদ্ধাৰক লৈ চাঞ্চল্য 
হোজাই দেৱস্থানত প্ৰেমিকাক বিচাৰি যোৱা যুৱকৰ চাঞ্চল্যকৰ মৃত্যু

হোজাই দেৱস্থানত প্ৰেমিকাক বিচাৰি যোৱা যুৱকৰ চাঞ্চল্যকৰ মৃত্যু

  • Share this:
মঙলবাৰে পুৱা হোজাই জিলাৰ দেৱস্থানত ৰহস্যজনক অৱস্থাত এজন যুৱকৰ মৃতদেহ উদ্ধাৰ হোৱা ঘটনাই চাঞ্চল্যৰ সৃষ্টি কৰিছে। আৰক্ষীৰ জিম্মাত থকা যুৱকৰ মৃত্যুক লৈ অঞ্চলটোত তীব্ৰ উত্তেজনাই বিৰাজ কৰিছে। গাওঁখনৰ ৰহিম উদ্দিন নামৰ লোকজনৰ বাৰীৰ পাছফালে এজোপা গছত ডিঙিত চিপ লৈ থকা অৱস্থাত উদ্ধাৰ হৈছে মৃতদেহটো ৷ উদ্ধাৰ হোৱা মৃতদেহটো ডবকা আৰক্ষী থানাৰ অন্তৰ্গত চাংমাজি গাৱৰ আব্দুল শ্বাহিদ বুলি চিনাক্ত কৰে স্থানীয় একাংশ লোকে ৷

অভিযোগ অনুসৰি, মৃত আব্দুছ শ্বাহিদ নামৰ যুৱকজনৰ দেৱস্থানৰ বৰবালী গাঁৱৰ এগৰাকী যুৱতীৰ সৈতে প্ৰেমৰ সম্পৰ্ক গঢ়ি উঠিছিল। কিন্তু পিছত শ্বাহিদ বিবাহিতা বুলি জানিব পাৰি যুৱতীগৰাকীৰ পৰিয়ালৰ লোকে মোৰাঝাৰত গোচৰ তৰিছিল।

তিনি চাৰিটাকৈ সন্তান থকা যুৱক জনৰ বিৰুদ্ধে গোচৰ চলি থকা অৱস্থাত পুনৰ যোৱা নিশা প্ৰেমিকা গৰাকীক লগ ধৰিবলৈ যাওতেই স্থানীয় লোকৰ সহযোগত পৰিয়ালৰ লোকে যুৱকজনক ধৰি বান্ধি আৰক্ষীক খবৰ দিয়ে। আৰু পৰৱৰ্তী সময়ত দেৱস্থান উপ আৰক্ষী চকীত খবৰ দি আৰক্ষীক গটাই দিয়ে ৷

আৰক্ষীয়ে যুৱকজনক উদ্ধাৰ কৰি থানালৈ লৈ যোৱাৰ পিছত সংঘটিত হোৱা ঘটনাই এতিয়া সৰ্বত্ৰ চাঞ্চল্যৰ সৃষ্টি কৰিছে। যুৱকজনে পেটৰ সমস্যাত ভোগাৰ অজুহাৰ দেখুৱাই লেট্ৰিনলৈ যোৱা বুলি থানাৰ পৰা পলায়ন কৰে। নিশা আৰক্ষীয়ে যুৱকজনক বিচাৰি অভিযোন চলাইছিল যদিও বিফল হয়। আৰু মঙলবাৰে পুৱা  যুৱকজনৰ মৃতদেহ চিপ লোৱা অৱস্থাত উদ্ধাৰ কৰি আৰক্ষীক খবৰ দিয়ে অঞ্চলবাসীয়ে।

ঘটনা সন্দৰ্ভত আৰক্ষীয়ে জোৰদাৰ গতিত তদন্ত আৰম্ভ কৰিছে যদিও কোনো লোকক এই মুহূৰ্তলৈকে আটক কৰিবলৈ সক্ষম হোৱা নাই ৷  ইফালে মৃতদেহটোৰ শৰীৰত আঘাতৰ চিন আছে বুলি দাবী কৰিছে স্থানীয় ৰাইজে।
Published by: Himangshu Bhuyan
First published: April 6, 2021, 3:27 PM IST
আৰু চাওক
পৰৱৰ্তী বাতৰি

শেহতীয়া বাতৰি