আকাশৰ তলৰ সকলো কথা আমি আলফা(স্বাধীন)ৰ সৈতে পাতিম: হিমন্ত বিশ্ব শৰ্মা

News18 Assam | News18-Assam
Updated:February 6, 2020, 7:17 PM IST
আকাশৰ তলৰ সকলো কথা আমি আলফা(স্বাধীন)ৰ সৈতে পাতিম: হিমন্ত বিশ্ব শৰ্মা
কাইলৈ পৰেশ বৰুৱাৰ ছিংগল পইণ্ট এজেণ্ডাৰ কথা জনাব প্ৰধানমন্ত্ৰীক

কাইলৈ পৰেশ বৰুৱাৰ ছিংগল পইণ্ট এজেণ্ডাৰ কথা জনাব প্ৰধানমন্ত্ৰীক

  • Share this:
প্ৰধানমন্ত্ৰী নৰেন্দ্ৰ মোদীক কোকোৰাঝাৰত শুক্ৰবাৰেআলফা (স্বাধীন)ৰে আলোচনাৰ প্ৰসংগত বিস্তৃতভাবে আলোচনা কৰিব ৰাজ্য চৰকাৰে ৷ ৰাজ্য চৰকাৰৰ হৈ মুখ্যমন্ত্ৰী সৰ্বানন্দ সোণোৱাল আৰু বিত্ত তথা স্বাস্থ্য মন্ত্ৰী ডঃ হিমন্ত বিশ্ব শৰ্মাই আলফা (স্বাধীন)ৰ ছিংগল পইণ্ট এজেণ্ডাৰ কথা প্ৰধানমন্ত্ৰীক জনাব ৷

কোকোৰাঝাৰত মন্ত্ৰী হিমন্ত বিশ্ব শৰ্মাই সাংবাদিকৰে হোৱা এক বাৰ্তালাপত কয় “কাইলৈ মই আৰু মুখ্যমন্ত্ৰীয়ে প্ৰধানমন্ত্ৰীৰ সৈতে আলফা (স্বাধীন)ৰ দাবী সন্দৰ্ভত জনাম ৷ প্ৰধানমন্ত্ৰীয়ে যি মডেলিটি দিয়ে সেই হিচাপত আমি আগবাঢ়িম ৷ কি কথা পাতিলো প্ৰধানমন্ত্ৰীৰে আমি ৰাইজক জনাম ৷”

মন্ত্ৰী শৰ্মাই লগতে কয় যে,  “আলফা-ভাৰত চৰকাৰৰ আলোচনা TVৰ আগত নহয় ৷ সকলো কথা TVৰ সন্মুখত নহয় আলোচনা ৷ আমি আশাবাদী যে এইবাৰ বিশেষ গতিত আগবাঢ়িব আলোচনাই ৷ আগৰ দৰে সম্ভৱত নহয় ৷ চৰকাৰৰ তৰফৰ পৰা পোনপটীয়াকৈ আলোচনাৰ কৰ্তৃত্ব এজনক দিব আৰু পৰেশ বৰুৱাইও পোনপটীয়াকৈ এজনক কৰ্তৃত্ব দিব বুলি আশা কৰিলো ৷ যিয়ে নিজক আলফা বুলি ক'বলৈ কুণ্ঠাবোধ নকৰিব ৷”

আলফা (স্বাধীন)ৰে আলোচনাৰ প্ৰসংগত মন্ত্ৰী হিমন্তই পুনৰ ক'লে, “পৰ্দাৰ আঁৰত চলিব আলোচনা ৷ যোৱা এটা পষেকত TVত যিমানবোৰ কথা পৰেশ বৰুৱাই কৈছে, সকলো বোৰক আমি ইতিবাচক দেখিছো ৷”

“'সাৰ্বভৌমত্ব'ৰ বিষয়ত আমি আলোচনা কৰিব নোৱাৰিব পাৰো, কিন্তু এইটো নহয় যে আমি মনৰ কথাবোৰ পাতিব নোৱাৰিম ৷ মনমোহন সিঙে প্ৰধানমন্ত্ৰী হৈ থাকোতে সকলো কথা পাতিম বুলি আলফাক চিঠি দিছিল ৷ কাশ্মীৰত বাজপেয়ীয়ে আকাশৰ তলৰ সকলো কথা পাতিব পাৰি বুলি কৈছিল ৷ আমি আকাশৰ তলত থকা সকলো বিষয়ে আমি পাতিম ৷ আশা কৰিছো পৰেশ বৰুৱাই পোনপটীয়াকৈ প্ৰতিনিধি আলোচনাৰ বাবে প্ৰেৰণ কৰিব,” এয়া মন্ত্ৰী হিমন্ত বিশ্ব শৰ্মাৰ স্পষ্ট ঘোষণা ৷

“আলোচনাৰ বাবে এদল মানুহৰ প্ৰয়োজন নাই ৷ চৰকাৰৰ তৰফৰ পৰা এজনক অধিকাৰ দিব ৷ আলফাৰ তৰফৰ পৰাও এজনক অধিকাৰ দিয়ক ৷ যিয়ে প্ৰধানমন্ত্ৰী আৰু গৃহমন্ত্ৰীক পোনপটীয়াকৈ সাক্ষাৎ কৰি কথা পাতিব পাৰিব ৷ উভয় পক্ষই কথা পতাৰ অধিকাৰ দিব লাগিব ৷ পৰেশ বৰুৱাক প্ৰয়োজনত পোৱা প্ৰতিনিধি হোৱাতো ভাল,” ক'লে হিমন্ত বিশ্ব শৰ্মাই।
আৰু চাওক
পৰৱৰ্তী বাতৰি