• Home
  • »
  • News
  • »
  • assam
  • »
  • ক'ৰবাত যদি সকীয়নি আছিল ,ক'ৰবাত আছিল আক্ষেপ ! দল আৰু চৰকাৰৰ মাজত এফালে সামঞ্জস্য আৰু আনফালে লক্ষ্মণ ৰেখা ...

ক'ৰবাত যদি সকীয়নি আছিল ,ক'ৰবাত আছিল আক্ষেপ ! দল আৰু চৰকাৰৰ মাজত এফালে সামঞ্জস্য আৰু আনফালে লক্ষ্মণ ৰেখা ...

জ্যেষ্ঠ বিধায়কে নতুনলৈ এৰিব লাগিব বাট, কংগ্ৰেছী সংস্কৃতি নচলিব বিজেপিত, জিলা সভাপতিয়ে চৰকাৰী স্কীমত মূৰ নঘমাব, গুজৰাটৰ মডেল জানক বুজক অসমৰ কাৰ্যকৰ্তাই, যুৱ মৰ্চাই গুৰুত্ব দিয়ক সংগঠনক ইত্যাদি ৷ মৰিগাঁৱৰ ৰাজ্যিক কাৰ্যনিৰ্বাহকত স্পষ্ট বাৰ্তা মুখ্যমন্ত্ৰী হিমন্ত বিশ্ব শৰ্মাৰ ৷

জ্যেষ্ঠ বিধায়কে নতুনলৈ এৰিব লাগিব বাট, কংগ্ৰেছী সংস্কৃতি নচলিব বিজেপিত, জিলা সভাপতিয়ে চৰকাৰী স্কীমত মূৰ নঘমাব, গুজৰাটৰ মডেল জানক বুজক অসমৰ কাৰ্যকৰ্তাই, যুৱ মৰ্চাই গুৰুত্ব দিয়ক সংগঠনক ইত্যাদি ৷ মৰিগাঁৱৰ ৰাজ্যিক কাৰ্যনিৰ্বাহকত স্পষ্ট বাৰ্তা মুখ্যমন্ত্ৰী হিমন্ত বিশ্ব শৰ্মাৰ ৷

জ্যেষ্ঠ বিধায়কে নতুনলৈ এৰিব লাগিব বাট, কংগ্ৰেছী সংস্কৃতি নচলিব বিজেপিত, জিলা সভাপতিয়ে চৰকাৰী স্কীমত মূৰ নঘমাব, গুজৰাটৰ মডেল জানক বুজক অসমৰ কাৰ্যকৰ্তাই, যুৱ মৰ্চাই গুৰুত্ব দিয়ক সংগঠনক ইত্যাদি ৷ মৰিগাঁৱৰ ৰাজ্যিক কাৰ্যনিৰ্বাহকত স্পষ্ট বাৰ্তা মুখ্যমন্ত্ৰী হিমন্ত বিশ্ব শৰ্মাৰ ৷

  • Share this:
ক'ৰবাত আক্ষেপ,ক'ৰবাত নতুনৰ বাবে দুৱাৰ মুকলি ৷ দল আৰু চৰকাৰৰ মাজত এফালে সামঞ্জস্য আৰু আনফালে লক্ষ্মণ ৰেখা ৷ জানিব পৰা মতে, মঙলবাৰে মৰিগাঁৱত অনুষ্ঠিত বিজেপিৰ ৰাজ্যিক কাৰ্যনিৰ্বাহকত মুখ্যমন্ত্ৰী ড৹ হিমন্ত বিশ্ব শৰ্মাৰ ভাষণ আছিল বাৰ্তাবাহক ৷

জ্যেষ্ঠ বিধায়কে নতুনলৈ এৰিব লাগিব বাট, কংগ্ৰেছী সংস্কৃতি নচলিব বিজেপিত, জিলা সভাপতিয়ে চৰকাৰী স্কীমত মূৰ নঘমাব, গুজৰাটৰ মডেল জানক বুজক অসমৰ কাৰ্যকৰ্তাই, যুৱ মৰ্চাই গুৰুত্ব দিয়ক সংগঠনক ইত্যাদি ইত্যাদি ৷ মৰিগাঁৱৰ ৰাজ্যিক কাৰ্যনিৰ্বাহকত এনেকৈয়ে এটা এটাকৈ কঠোৰ সকীয়নি, স্পষ্ট বাৰ্তা মুখ্যমন্ত্ৰী ড৹ হিমন্ত বিশ্ব শৰ্মাৰ ৷ সংগঠনৰ ক্ষেত্ৰত গুজৰাট মডেলৰ পোষকতা কৰা অসম বিজেপিৰ কাৰ্যনিৰ্বাহকক গুজৰাটৰ উদাহৰণেৰেই নীতি শিক্ষা দিলে ড৹ হিমন্ত বিশ্ব শৰ্মাই ৷ গুজৰাটৰ ভূজ চহৰত বিধানসভাৰ নিৰ্বাচনী প্ৰচাৰলৈ যাওঁতে হোৱা অনুভৱৰ ব্যাখ্যা কৰিছিল মুখ্যমন্ত্ৰী শৰ্মাই ৷ সেই সময়ত টিকট নোপোৱা এগৰাকী ৰাজ্যিক মন্ত্ৰীয়ে তেওঁৰ ঠাইত টিকট পোৱা এজনৰ প্ৰচাৰ সভালৈ লৈ গৈছিল হেনো অসমৰ মুখ্যমন্ত্ৰী গৰাকীক ৷ নিজৰ ঠাইত টিকট লাভ কৰা দলীয় প্ৰাৰ্থীৰ হৈ আগবাঢ়ি অহা সেই মন্ত্ৰীগৰাকীৰ ত্যাগ দেখি অভিভূত হৈছিল ষ্টাৰ কেম্পেইনাৰ ড৹ শৰ্মা ৷ অসমৰ বেলিকা এনে হ'লে এগৰাকী মন্ত্ৰী বা বিধায়কে দলৰ বিৰুদ্ধে গৈ নিৰ্দলীয় হিচাপে নিৰ্বাচন খেলিলেহেতেন বুলি খেদ প্ৰকাশ কৰিলে মুখ্যমন্ত্ৰী ড৹ শৰ্মাই ৷ সেয়ে, টিকট কেন্দ্ৰীক ৰাজনীতি নকৰি সেৱাৰ মনোভাৱেৰে সমৰ্পনৰ ৰাজনীতি কৰিবলৈ গুজৰাটৰ টিকট নোপোৱা সকলৰ পৰা শিক্ষা ল'বলৈ আহ্বান জনালে মুখ্যমন্ত্ৰী গৰাকীয়ে ৷ বাৰে বাৰে বিধায়ক হোৱাৰ মন নেমেলি নতুনলৈ দুৱাৰ মুকলি কৰি দিবলৈও সকলোকে ক'লে ড৹ শৰ্মাই ৷ চৰকাৰী স্কীম, জে জে এমৰ ঠিকা আদিত মূৰ নঘমাই দলৰ বাবে কাম কৰি যাবলৈ সভাপতি সকলক ক'লে মুখ্যমন্ত্ৰী গৰাকীয়ে ৷ একে সুৰতে দলীয় কাৰ্যকৰ্তাই ঠিকা পাবৰ উপযোগী হ'লে পাবই বুলি কৈ বিধায়ক সকলৰ কামত সভাপতিসকলক হস্তক্ষেপ নকৰিবলৈও ক'লে শৰ্মাই ৷ একেদৰে সভাপতিৰ দলীয় সিদ্ধান্তত হস্তক্ষেপ নকৰিবলৈ সকীয়নি দিলে বিধায়কসকলকো ৷ মৰিগাঁৱৰ কাৰ্যনিৰ্বাহকতে মুখ্যমন্ত্ৰী ড৹ হিমন্ত বিশ্ব শৰ্মাৰ আক্ষেপ ৷ আক্ষেপ কংগ্ৰেছী সংস্কৃতি বিজেপিত শিপোৱাৰ ৷ অকল ঠিকা, ব্যক্তিগত লাভালাভৰ আকাংক্ষা কংগ্ৰেছতহে আছিল বুলি কৈ বিজেপিক এইবোৰৰ পৰা আঁতৰি থকাৰ আহ্বান মুখ্যমন্ত্ৰীৰ ৷ নেতাৰ লগত ছেল্ফী কিয়, কাৰ্যনিৰ্বাহকত প্ৰশ্ন মুখ্যমন্ত্ৰীৰ ৷ নেতাৰ লগত ছেল্ফী মৰাত ব্যস্ত নাথাকি নিজকে নেতালৈ উত্তৰণ ঘটাব পৰাকৈ কাম কৰাৰ বাৰ্তা ড৹ শৰ্মাৰ ৷ অকল ইমানেই নহয়, যুৱ মৰ্চাই বৰ্তমানৰ ষ্টাইল, বৰ্তমানৰ গতিত কাম কৰিলে এসময়ত বিজেপি ১০খন আসনতে সীমাৱদ্ধ হ'ব লাগিব বুলিও উদ্বেগ প্ৰকাশ মুখ্যমন্ত্ৰীগৰাকীৰ ৷ জানিব পৰা মতে, এক কথাত মৰিগাঁৱৰ জিলা পুথিভঁৰালত মঙলবাৰে অনুষ্ঠিত হোৱা বিজেপিৰ কাৰ্যনিৰ্বাহকত মুখ্যমন্ত্ৰী ড৹ হিমন্ত বিশ্ব শৰ্মাৰ উদাত্ত ভাষণত ক'ৰবাত যদি সকীয়নি আছিল ,ক'ৰবাত আছিল আক্ষেপ ৷
Published by:Kokil Sarma
First published:

শেহতীয়া বাতৰি