CABৰ বিৰুদ্ধে প্ৰতিবাদৰ বাবেই ভাৰতীয় বায়ু সেনাৰ চাকৰি ত্যাগ কৰিলে এইজন অসমীয়াই

নাগৰিকত্ব সংশোধনী বিধেয়কৰ বিৰুদ্ধে প্ৰতিবাদৰ বাবেই ভাৰতীয় বায়ু সেনাৰ চাকৰিৰৰ পৰা স্বেচ্ছাই অৱসৰ ল'লে হিমাংশু গগৈ নামৰ যুৱক জনে। শেহতীয়াভাৱে কটন মহাবিদ্যালয়ৰ ছাত্ৰ সমাজক উৎসাহিত কৰাৰ উদ্দেশ্যে হিমাংশুৱে গুৱাহাটীৰ পৰা তিনিচুকীয়া আৰু তিনিচুকীয়াৰ পৰা নতুন দিল্লীলৈ চাইকেল চলাই প্ৰতিবাদী যাত্ৰা আৰম্ভ কৰিছে।

কেন্দ্ৰ আৰু ৰাজ্য চৰকাৰৰ বিৰুদ্ধে প্ৰতিবাদী শ্লোগান চাইকেলত আঁৰি যাত্ৰা আৰম্ভ কৰা অৱসৰপ্ৰাপ্ত জোৱানজনে NEWS18ক কয় - ‘এগৰাকী সৈনিক হিচাপে জাতিৰ হৈ যুঁজিবলৈ ওলাই আহিছো। কেবৰ বাবেই চাকৰি এৰিছিলো আৰু কেবৰ বিৰুদ্ধে প্ৰতিবাদ কৰি যাম।’

উল্লেখযোগ্য যে প্ৰতিবাদী যাত্ৰাৰ তৃতীয়দিনা নগাঁৱত উপস্থিত হোৱা জোৱানজনক নগাঁৱৰ বিভিন্ন দল-সংগঠনে উষ্ম আদৰণি জনাই। ইপিনে নাগৰিকত্ব সংশোধনী বিধেয়ক বাতিলৰ দাবী জনোৱা জোৱানজনে অসমৰ বিধানসভা, জিলা-পৰিষদ আৰু পঞ্চায়ততো খিলঞ্জীয়াৰ বাবে ১০০শতাংশ আসন সংৰক্ষণৰ দাবী তোলে।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।