মুখ্যপৃষ্ঠা » খবৰ

» অসম

»এফালে বিজেপিৰ আশীৰ্বাদ যাত্ৰা, আনফালে গুৱাহাটীৰ কোৰোণা পৰিস্থিতিকলৈ উদ্বিগ্ন স্বাস্থ্যমন্ত্ৰী! সাংবাদিকৰ প্ৰশ্নত সংবাদমেল ত্যাগ কৰিলে কেশৱ মহন্তই

এফালে বিজেপিৰ আশীৰ্বাদ যাত্ৰা, আনফালে গুৱাহাটীৰ কোৰোণা পৰিস্থিতিকলৈ উদ্বিগ্ন স্বাস্থ্যমন্ত্ৰী! সাংবাদিকৰ প্ৰশ্নত সংবাদমেল ত্যাগ কৰিলে কেশৱ মহন্তই

News18 Assam | News18-Assam
Updated:August 21, 2021, 11:31 AM IST
এফালে বিজেপিৰ আশীৰ্বাদ যাত্ৰা, আনফালে গুৱাহাটীৰ কোৰোণা পৰিস্থিতিকলৈ উদ্বিগ্ন স্বাস্থ্যমন্ত্ৰী! সাংবাদিকৰ প্ৰশ্নত সংবাদমেল ত্যাগ কৰিলে কেশৱ মহন্তই
গুৱাহাটী মহানগৰীৰ কোৰোণা পৰিস্থিতি নিয়ন্ত্ৰণৰ বাবে ৰাজ্য চৰকাৰে লৈছে গুৰুত্বপূৰ্ণ সিদ্ধান্ত।

গুৱাহাটী মহানগৰীৰ কোৰোণা পৰিস্থিতি নিয়ন্ত্ৰণৰ বাবে ৰাজ্য চৰকাৰে লৈছে গুৰুত্বপূৰ্ণ সিদ্ধান্ত।

  • Share this:
আজিৰ পৰা তিনিদিনীয়া কাৰ্যসূচীৰে ৰাজ্যিক বিজেপিয়ে আৰম্ভ কৰিছে আশীৰ্বাদ যাত্ৰা। কেন্দ্ৰীয় মন্ত্ৰীৰ দায়িত্ব লাভৰ পিছতে সৰ্বানন্দ সোণোৱালে প্ৰথমবাৰ ৰাজ্যত ভৰি দিয়াৰ পিছতে ৰাজ্যৰ বহুকেইখন জিলাক সামৰি ৰাজ্যিক বিজেপিয়ে আৰম্ভ কৰিছে আশীৰ্বাদ যাত্ৰা। কিন্তু তেনে সময়তে গুৱাহাটী মহানগৰীৰ কোৰোণা পৰিস্থিতিকলৈ উদ্বিগ্ন হৈ পৰিছে স্বাস্থ্যমন্ত্ৰী কেশৱ মহন্ত।

শনিবাৰে কেশৱ মহন্তই সংবাদমেল সম্বোধন কৰি গুৱাহাটী মহানগৰীত কোৰোণা নিয়ন্ত্ৰণৰ বাবে বহু গুৰুত্বপূৰ্ণ সিদ্ধান্ত লোৱাৰ কথা ঘোষণা কৰেঃ


  • গুৱাহাটী মহানগৰীত কমা নাই কোৰোণাৰ প্ৰকোপ। তাৰ বাবে কিছু ব্যৱস্থা গ্ৰহণ কৰাৰ সিদ্ধান্ত গ্ৰহণ কৰা হৈছে। গুৱাহাটীত মুঠ ১২০৪ টা ভোটকেন্দ্ৰ আছে। সেই সমূহ আধাৰ হিচাপে লৈ কাম কৰাৰ সিদ্ধান্ত গ্ৰহণ কৰা হৈছে। গুৱাহাটীত ভেকচিন নোলোৱা সকলৰ তালিকা প্ৰস্তুত কৰিব।আজিৰে পৰা ৩ দিন ধৰি চলিব এই প্ৰক্ৰিয়া।১২০৪টা ভোট কেন্দ্ৰ ৰ পৰা ভোটাৰৰ তালিকা সংগ্ৰহ কৰিব।

  • ২৫ ৰ পৰা ৩১ আগষ্টৰ ভিতৰত গুৱাহাটী মহানগৰীত ভেকচিন দিয়া কাম সম্পন্ন কৰা হ'ব।ভেকচিন দিয়া সপ্তাহ হিচাপে পালন কৰাৰ সিদ্ধান্ত। 8929103776 নম্বৰত মিছ কল দিলে ওচৰৰ কেন্দ্ৰত লাভ কৰিব ভেকচিন। এই সমগ্ৰ দায়িত্বত থাকিব কামৰূপ মেট্ৰৰ উপায়ুক্ত।

  • শ্বপিং ম'ল বা সকলো ব্যৱসায়ীক প্ৰতিষ্ঠানৰ কৰ্মচাৰীয়ে কোৰোণা ভেকচিন গ্ৰহণ কৰাৰ প্ৰমাণ পত্ৰ প্ৰদৰ্শন কৰিব লাগিব।



ইফালে গুৱাহাটী মহানগৰবাসীক কোৰোণাৰ বিৰুদ্ধে সজাগ সচেতন হ'বলৈ আহ্বান জনাই স্বাস্থ্যমন্ত্ৰীগৰাকীয়ে।  অন্যথা চৰকাৰ কঠোৰ হ'বলৈ বাধ্য হ'ব চৰকাৰ তথা প্ৰশাসন। গুৱাহাটী মহানগৰীৰ এনে পৰিস্থিতিৰ মাজত ৰাজ্যিক বিজেপিয়ে আয়োজন কৰা আশীৰ্বাদ যাত্ৰাৰ সন্দৰ্ভত স্বাস্থ্যমন্ত্ৰীক প্ৰশ্ন কৰে সাংবাদিকে। কিন্তু সাংবাদিকৰ প্ৰশ্নত চালে বেৰে কোৱাই উত্তৰ দি সংবাদমেল ত্যাগ কৰে কেশৱ মহন্তই।
Published by: Himangshu Bhuyan
First published: August 21, 2021, 11:31 AM IST
আৰু চাওক
পৰৱৰ্তী বাতৰি

শেহতীয়া বাতৰি