உங்கள் மாவட்டத்தைத் தேர்வுசெய்க

    • Home
    • »
    • News
    • »
    • assam
    • »
    • কেতিয়াবা যদি ভাড়াঘৰৰ মালিকে, কেতিয়াবা আকৌ চুবুৰীয়াই- প্ৰতিদিনেই ঘৃণা, বিদ্বেষৰ সন্মুখীন হৈছে একাংশ স্বাস্থ্যকৰ্মী

    কেতিয়াবা যদি ভাড়াঘৰৰ মালিকে, কেতিয়াবা আকৌ চুবুৰীয়াই- প্ৰতিদিনেই ঘৃণা, বিদ্বেষৰ সন্মুখীন হৈছে একাংশ স্বাস্থ্যকৰ্মী

     বিশ্বজুৰি মহামাৰীৰ ৰূপ লোৱা অদৃশ্য শত্ৰুৰ বিৰুদ্ধে সৈনিক হিচাপে যুঁজি আছে চিকিৎসক,নাৰ্ছকে ধৰি সকলো স্বাস্থ্যকৰ্মীয়ে

    বিশ্বজুৰি মহামাৰীৰ ৰূপ লোৱা অদৃশ্য শত্ৰুৰ বিৰুদ্ধে সৈনিক হিচাপে যুঁজি আছে চিকিৎসক,নাৰ্ছকে ধৰি সকলো স্বাস্থ্যকৰ্মীয়ে

    বিশ্বজুৰি মহামাৰীৰ ৰূপ লোৱা অদৃশ্য শত্ৰুৰ বিৰুদ্ধে সৈনিক হিচাপে যুঁজি আছে চিকিৎসক,নাৰ্ছকে ধৰি সকলো স্বাস্থ্যকৰ্মীয়ে

    • Share this:
    COVID 19ৰ সংহাৰ কমা নাই এতিয়াও ৷ বিশ্বজুৰি মহামাৰীৰ ৰূপ লোৱা অদৃশ্য শত্ৰুৰ বিৰুদ্ধে সৈনিক হিচাপে যুঁজি আছে চিকিৎসক,নাৰ্ছকে ধৰি সকলো স্বাস্থ্যকৰ্মীয়ে ৷ মহামাৰী কোৰোণাত আক্ৰান্ত হৈছে খোদ চিকিৎসকো ৷ কিন্তু এই স্পৰ্শকাতৰ সময়ছোৱাত আতিশয্যৰ বলি হৈছে চিকিৎসককে ধৰি অন্যান্য স্বাস্থ্য কৰ্মী ৷ এই কথা পোহৰলৈ আহিছে বি বৰুৱা কৰ্কট প্ৰতিষ্ঠানৰ সঞ্চালক ডা৹ অমল কটকীৰ এটা আহ্বানত ৷

    "আমাৰ বহু চিকিৎসা কৰ্মী গাওঁ আৰু চহৰত বাস কৰে ৷ কাম কৰি ঘুৰি যোৱাৰ পিছত তেওঁলোক সন্মুখীন হৈছে বিভিন্ন আতিশয্যৰ ৷ ক'ৰবাত যদি ভাড়া ঘৰৰ মালিকে মানসিক অত্যাচাৰ চলাইছে, আন ক'ৰবাত চুবুৰীয়াই ৷ ইতিমধ্যে স্বাস্থ্যমন্ত্ৰীয়ে আতিশয্য চলোৱা সকলৰ বিৰুদ্ধে ‘NATIONAL DISASTER MANAGEMENT ACT’ৰ অধীনত গোচৰ ৰুজু কৰাৰ কথা কোৱাৰ পিছতো এনে কিছুমান কাম চলি আছে ৷ ‘আমিও পৰৱৰ্তী সময়ত এনে হ'লে কঠোৰ হ'বলৈ বাধ্য হম ৷ চিকিৎসা কৰ্মী সকলে এনেবোৰ কাৰণত কাম কৰাত যথেষ্ট অসুবিধা পাইছে ৷"

    ভিডিঅ'টোৰ যোগেদি ডা৹ কটকীয়ে সকলোৰে পৰা বিচাৰিছে সহযোগিতা ৷ যি সময়ত কোৰোণাৰ সেনানীক ছ্যেলুট জনোৱাৰ আহ্বান জনাইছে দেশৰ প্ৰধানমন্ত্ৰীগৰাকীয়ে সেই সময়তে কিছু সংখ্যক লোকৰ  মানসিকতাৰ বাবে হতাশ হৈছে সন্মুখৰ পৰা যুঁজ দিয়া সকল।
    First published: