হাইলাকান্দিত বন্যাৰ্তৰ হাহাকাৰ ! ২৪ ঘণ্টাৰ পিছতো আশ্ৰয় শিবিৰত খাদ্য সামগ্ৰী নোপোৱাৰ অভিযোগ একাংশৰ ...

ৰাজ্যত অব্যাহত আছে বান বিভীষিকা, চৌদিশে জলবন্দী জনতাৰ হাহাকাৰ। ৰাজ্যৰ আন জিলা সমূহৰ সমন্তৰালকৈ হাইলাকান্দি জিলাতো অব্যাহত আছে বিধ্বংসী বানৰ তাণ্ডৱ । হাইলাকান্দি জিলাৰ মাটিজুৰি এলেকাত কাটাখাল নৈ'ৰ আংকাই লংকাই মথাউৰি ছিঙ‍াৰ ফলতে ইতিমধ্যে প্লাবিত হৈছে এই এলেকাৰ প্ৰায় ২০ খনৰো অধিক গাওঁ । যাৰ ভিতৰতে আছে কালাছেৰা, সুদৰ্শনপুৰ, বৰবন্দ, বাশডহৰ আদি গাঁও । লগতে এতিয়াও জলবন্দী হৈ আছে এই সমূহ গাঁৱৰ প্ৰ‍ায় পাঁচ শতাধিক পৰিয়াল ।

ইপিনে, এই এলেকাৰ শতাধিক লোকে বৰ্তমানে নিজ ঘৰ এৰি আশ্ৰয় লৈছে স্থানীয় মাটিজুৰি উচ্চ মাধ্যমিক বিদ্যালয়ত । কিন্তু আশ্ৰয় লোৱাৰ প্ৰায় ২৪ ঘন্টা সময় অতিক্ৰম কৰাৰ পিছতো জিলা প্ৰশাসনে এই লোকসকলক কোনো সাহায্য নিদিয়াৰ অভিযোগ । যোৱা ২৪ ঘন্টাৰ পৰ‍া অনাহাৰে দিন কটাইছে এই সকল বানাক্ৰান্তই । কিন্তু এতিয়ালৈকে জিল‍া প্ৰশাসন বা স্থানীয় জন প্ৰতিনিধি কোনোৱেও খবৰ লোৱ‍া নাই বুলি কৈছে এইসকল লোকে।