• Home
  • »
  • News
  • »
  • assam
  • »
  • ১৬১৫জন NDFBক সংস্থাপনৰ বাবে তিনিশ কোটি টকা, গাইপতি কিমানকৈ পাব এজনে?

১৬১৫জন NDFBক সংস্থাপনৰ বাবে তিনিশ কোটি টকা, গাইপতি কিমানকৈ পাব এজনে?

প্ৰাক্‌ নিৰ্বাচনী বতৰত BTC মূৰব্বী হাগ্ৰামা মহিলাৰীৰ ঘোষণা

প্ৰাক্‌ নিৰ্বাচনী বতৰত BTC মূৰব্বী হাগ্ৰামা মহিলাৰীৰ ঘোষণা

প্ৰাক্‌ নিৰ্বাচনী বতৰত BTC মূৰব্বী হাগ্ৰামা মহিলাৰীৰ ঘোষণা

  • Share this:
চুক্তিৰ পিছত কি কৰিব NDFBৰ নেতা-কেডাৰ সকলে? ৰাজনৈতিক দল গঠন হ'লে ৰাজনীতিৰ পথাৰলৈ ঢাপলি মেলিব একাংশই ৷ কিন্তু সকলোৰে বাবে ৰাজনীতি পথাৰখন সহজ নহ'ব ৷ তাতে BTCৰ পৰিষদীয় নিৰ্বাচনলৈ মাজত মাত্ৰ এটা মাহহে বাকী ৷

ইয়াৰ মাজতে BTCৰ মূৰব্বী হাগ্ৰামা মহিলাৰীয়ে কৰি দিলে এক ঘোষণা ৷ NDFBৰ নেতা-কেডাৰৰ সংস্থাপনৰ বাবে খৰছ কৰিব তিনিশ কোটি টকা ৷ চৰকাৰী তথ্য মতে বিগত ত্ৰিশ জানুৱাৰীত গুৱাহাটীত অস্ত্ৰ সম্বৰণ কৰিছিল NDFBৰ চাৰিওটা গোটৰ ১৬১৫জন নেতা-কেডাৰে ৷ এই হিচাপত যদি তিনি কোটি টকা সংস্থাপনৰ নামত খৰছ কৰা হয়, তেন্তে একোজন কেডাৰে পাব ১৮ লাখ ৫৭ হাজাৰকৈ টকা ৷

সোমবাৰে কোকৰাঝাৰত ১৮ সংখ্যক বড়োলেণ্ড দিৱস উপলক্ষে আয়োজিত  এক অনুষ্ঠানত BTCৰ মূৰব্বী মহিলাৰীয়ে এই ঘোষণা কৰাৰ সময়ত উপস্থিত আছিল মুখ্যমন্ত্ৰী সৰ্বানন্দ সোণোৱাল ৷ মহিলাৰীয়ে ক'লে, “কেন্দ্ৰীয় চৰকাৰে তিনি বছৰৰ বাবে আগবঢ়াব লগীয়া মুঠ পোন্ধৰ হাজাৰ কোটি টকাৰে তিনিশ কোটি টকা আমি NDFBৰ সদস্যৰ সংস্থাপনৰ বাবে খৰছ কৰিম ৷ চিন্তা কৰিব নালাগে, পৰিষদৰ নিৰ্বাচন আহি আছে আৰু আমি পুনৰ জিকিম এই নিৰ্বাচন ৷ BJP, AGP, BPFৰ মিত্ৰজোটেই চৰকাৰ গঠন কৰিম ৷ সেয়ে চিন্তা কৰিব নালাগে ৷ আমি তিনিশ কোটিৰে সংস্থাপন দিম NDFBসকলক ৷”

‘মুখ্যমন্ত্ৰীক মই অনুৰোধ কৰিছো যে অতি সোনকালে NDFBৰ নেতা-কেডাৰ সকলৰ বিৰুদ্ধে থকা গোচৰসমূহ প্ৰত্যাহাৰৰ ব্যৱস্থা কৰক ৷ CBI, NIA, TADA যি যি গোচৰেই নাথাকক কিয়, বড়োভূমিৰ স্থায়ী শান্তিৰ স্বাৰ্থত গোচৰসমূহ প্ৰত্যাহাৰ কৰিব লাগে,” এনেদৰে মুখ্যমন্ত্ৰীক আহ্বান জনাই BTCৰ মূৰব্বী হাগ্ৰামা মহিলাৰীয়ে ৷
Published by:Himangshu Bhuyan
First published:

শেহতীয়া বাতৰি