হিমন্ত বিশ্বই কাক মিঞা বুলি কৈছে? বিৰোধীয়ে তুলাধুনা দিলে হিমন্ত বিশ্ব শৰ্মাক

News18 Assam | News18-Assam
Updated:November 15, 2020, 4:31 PM IST
হিমন্ত বিশ্বই কাক মিঞা বুলি কৈছে? বিৰোধীয়ে তুলাধুনা দিলে হিমন্ত বিশ্ব শৰ্মাক
মন্ত্ৰী হিমন্ত বিশ্ব শৰ্মাৰ এই মেৰু বিভাজনৰ ৰাজনীতিক লৈ এতিয়া সৰৱ বিৰোধী কংগ্ৰেছ আৰু AIUDF৷

মন্ত্ৰী হিমন্ত বিশ্ব শৰ্মাৰ এই মেৰু বিভাজনৰ ৰাজনীতিক লৈ এতিয়া সৰৱ বিৰোধী কংগ্ৰেছ আৰু AIUDF৷

  • Share this:
এতিয়া য'তেই সুবিধা পাই, তাতেই মন্ত্ৰী ড০ হিমন্ত বিশ্ব শৰ্মাই মোগল আৰু হিন্দু সভ্যতাৰ যুঁজৰ কথা কয়৷ হিন্দু আৰু মোগল সভ্যতাৰ যুঁজ আসন্ন বিধানসভাৰ নিৰ্বাচনত হ'ব বুলি দম্ভালি মাৰে BJP চৰকাৰৰ আটাইতকৈ প্ৰভাৱশালী মন্ত্ৰী হিমন্ত বিশ্ব শৰ্মাই৷

মন্ত্ৰী হিমন্ত বিশ্ব শৰ্মাৰ এই মেৰু বিভাজনৰ ৰাজনীতিক লৈ এতিয়া সৰৱ বিৰোধী কংগ্ৰেছ আৰু AIUDF৷ বিৰোধী AIUDFৰ বিধায়ক হাফিজ ৰফিকুল ইছলামৰ দাবী - “হিমন্ত বিশ্বই প্ৰথমে নিৰ্বাচনী প্ৰতিশ্ৰুতি পালনৰ খতিয়ান দিয়ক৷ খতিয়ান দিয়ক ২২ লাখ নিৱনুৱাক সংস্থাপনৰ প্ৰতিশ্ৰুতিৰ৷ ২২ লাখ নিৱনুৱাক সংস্থাপন দূৰৰে কথা; লক ডাউনত কিমানৰ চাকৰি গ'ল তাৰ হিচাপ কোনে দিব?”

মন্ত্ৰী হিমন্ত বিশ্বক এনেদৰে প্ৰত্যাহ্বান জনাই AIUDFৰ বিধায়ক হাফিজ ৰফিকুল ইছলামে পুনৰ ক'লে -“মিঞা বুলি কাক ক'ব বিচাৰিছে হিমন্তই? মিঞা বুলি কাক ইতিকিং কৰিছে? যদি মিঞা ইতিকিঙৰ পাত্ৰ তেন্তে তেওঁৰ পকেটত সোমাই থকা কেইজন কোন? বহুকেইজন মিঞা সোমাই আছে হিমন্তৰ পকেটত৷”

AIUDFৰ বিধায়ক হাফিজ ৰফিকুলৰ পিছতে মিঞা ৰাজনীতিৰ সূচনা কৰা মন্ত্ৰী হিমন্ত বিশ্বক আক্ৰমণ কৰে কংগ্ৰেছী বিধায়ক জাকিৰ হুছেইন শিকদাৰে৷ বিধায়ক জাকিৰৰ দাবী- “প্ৰভাৱশালী হিমন্ত বিশ্ব শৰ্মাৰ ৰাজনীতিক ৰাইজে এইবাৰ ওফৰাই দিব৷ আসন্ন নিৰ্বাচনত সকলো হিচাপ ৰাইজে কৰিব৷ সভ্যতাৰ যুঁজ কি ৰাইজে জানে আৰু ৰাইজে তাৰ হিচাপ তন্ন তন্নকৈ কৰিব৷ সাম্প্ৰদায়িক ৰাজনীতি অসমত নচলে আৰু অসমৰ ৰাইজে তেনে ৰাজনীতি কৰা সকলোকো এশিকনী দিব, যাতে পুনৰাই তেনে ৰাজনীতি কৰাৰ সুযোগ নাপায়৷”
Published by: Sanjay Kumar Das
First published: November 15, 2020, 4:31 PM IST
আৰু চাওক
পৰৱৰ্তী বাতৰি

শেহতীয়া বাতৰি

corona virus btn
corona virus btn
Loading