জাতিৰ পিতা মহাত্মা গান্ধী হত্যাৰ ৭৫ সংখ্যক বাৰ্ষিকী পালন, চৰকাৰক সমালোচনা বিশিষ্ট বুদ্ধিজীৱী হীৰেন গোহাঁইৰ ...

মুখ্যপৃষ্ঠা »খবৰ »অসম »জাতিৰ পিতা মহাত্মা গান্ধী হত্যাৰ ৭৫ সংখ্যক বাৰ্ষিকী পালন, চৰকাৰক সমালোচনা বিশিষ্ট বুদ্ধিজীৱী হীৰেন গোহাঁইৰ ...

জাতিৰ পিতা মহাত্মা গান্ধী হত্যাৰ ৭৫ সংখ্যক বাৰ্ষিকী সোমবাৰে গুৱাহাটীত পালন কৰে চিপিআই, চিপিআই (এম), চিপিআই (এম এল), এনচিপি, এলডিপি, ৰাইজৰ দল, অসম জাতীয় পৰিষদ আৰু জাতীয় দল অসমে।

News18 Assam
Last Updated : January 30, 2023, 16:30 IST

BIPUL BARMAN

১৯৪৮ চনৰ ৩০ জানুৱাৰীত নাথুৰাম গডছেৰ গুলীত নিহত হৈছিল জাতিৰ পিতা মহামানৱ মহাত্মা গান্ধী। জাতিৰ পিতা মহাত্মা গান্ধী হত্যাৰ ৭৫ সংখ্যক বাৰ্ষিকী সোমবাৰে গুৱাহাটীত পালন কৰে চিপিআই, চিপিআই (এম), চিপিআই (এম এল), এনচিপি, এলডিপি, ৰাইজৰ দল, অসম জাতীয় পৰিষদ আৰু জাতীয় দল অসমে।

মহানগৰীৰ লক্ষ্যধৰ বৰা ক্ষেত্ৰৰ বাকৰিত দুপৰীয়া ১১ বজাৰ পৰা ১ বজালৈ অনুষ্ঠিত হোৱা প্ৰতিবাদী কাৰ্যসূচীত দল সংগঠনৰ নেতা কৰ্মীয়ে ধৰ্ম নিৰপেক্ষতা ৰক্ষা কৰক, গণতন্ত্ৰ ৰক্ষা কৰক, সংবিধান ৰক্ষা কৰক আদি শ্লোগান দিয়ে। প্ৰতিবাদত অংশগ্ৰহণ কৰে বিশিষ্ট সাহিত্যিক বুদ্ধিজীৱী ডঃ হীৰেন গোহাঁই, সৰভোগ সমষ্টিৰ চাৰিবাৰৰ প্ৰাক্তন বিধায়ক হেমেন দাস, প্ৰাক্তন বিধায়ক মুনিন মহন্তৰ লগতে আন বহু সংখ্যক নেতাই। মহাত্মা গান্ধীৰ মৃত্যু দিনটো চৰকাৰে শ্বহীদ দিৱস পালন কৰা কাৰ্যক সমালোচনা কৰে বিশিষ্ট বুদ্ধিজীৱী হীৰেন গোহাঁইয়ে। হীৰেন গোহাঁইৰ মতে বিজেপি চৰকাৰে মহাত্মা গান্ধীক গুলীয়াই হত্যা কৰা দিনটোক শ্বহীদ দিৱস হিচাপে অনুষ্ঠিত কৰি ইতিহাস বিকৃত কৰিব বিচাৰিছে।