Fake Encounter Case : ৰাজ্য চৰকাৰৰ হাতত নাই 'ভুৱা এনকাউণ্টাৰ'ৰ কোনো তথ্য, ন্যায়ালয়ত শপতনামা দাখিলত ব্যৰ্থ

মুখ্যপৃষ্ঠা »খবৰ »অসম »Fake Encounter Case : ৰাজ্য চৰকাৰৰ হাতত নাই 'ভুৱা এনকাউণ্টাৰ'ৰ কোনো তথ্য, ন্যায়ালয়ত শপতনামা দাখিলত ব্যৰ্থ

Fake Encounter Case : এনকাউণ্টাৰৰ সন্দৰ্ভত শপতনামা দাখিলৰ বাবে ১০ দিনৰ অতিৰিক্ত সময় বিচাৰিলে ৰাজ্য চৰকাৰৰ মহাধিবক্তা দেৱজিত শইকীয়াই।

News18 Assam
Last Updated : January 26, 2022, 12:43 IST

BHASKAR JYOTI HAZARIKA

অসম চৰকাৰৰ হাতত নাই ৰাজ্যত ক’ত, কেতিয়া, কেনেদৰে ভুৱা এনকাউণ্টাৰ (Fake Encounter) সংঘটিত হৈছে। গুৱাহাটী উচ্চ ন্যায়ালয় (Gauhati High Court)ত দাখিল কৰা এক ৰাজহুৱা স্বাৰ্থ জড়িত আৱেদন (PIL)ৰ শুনানি গ্ৰহণ কৰি উচ্চ ন্যায়ালয়ে ৰাজ্য চৰকাৰৰ মহাধিবক্তাক ৰাজ্যখনত ক’ত, কেতিয়া, কিমান আৰু কেনেকৈ ভুৱা এনকাউণ্টাৰ সংঘটিত হৈছিল সেই বিষয়ে এক শপতনামা দাখিলৰ নিৰ্দেশ প্ৰদান কৰিছিল। ৰাজ্যৰ গৃহ সচিবৰ স্বাক্ষৰ সম্বলিত শপতনামা দাখিলৰ নিৰ্দেশ দিছিল মহাধিবক্তাক ৷ পূৰ্বৰ শুনানিত দিয়া এই নিৰ্দেশৰ ভত্তিত ২৫ জানুৱাৰীত মহাধিবক্তাই শপতনামা দাখিল কৰাৰ কথা আছিল যদিও সময়ত এই শপতনামা দাখিলত ব্যৰ্থ হয়।

ৰাজ্য চৰকাৰৰ মহাধিবক্তা দেৱজিত শইকীয়াই (Advocate General Debajit Saikia) মঙলবাৰে উচ্চ ন্যায়ালয়ৰ শুনানিত অংশগ্ৰহণ কৰি শপতনামা দাখিলৰ বাবে অতিৰিক্ত ১০টা দিনৰ সময় বিচাৰিছিলে। উল্লেখ্য যে গুৱাহাটী উচ্চ ন্যায়ালয়ে এনকাউণ্টাৰৰ প্ৰতিটো গোচৰৰ তথ্য বিচাৰিছিল শপতনামা হিচাপে। কিন্তু ৰাজ্য চৰকাৰৰ মহাধিবক্তাই সময়মতে এই শপতানামা দাখিল কৰিব নোৱাৰিলে।

মন কৰিবলগীয়া যে দিল্লীৰ এগৰাকী অধিবক্তাই ৰাজ্যত সংঘটিত হৈ থকা এনকাউণ্টাৰ প্ৰসংগত গুৱাহাটী উচ্চ ন্যায়ালয়ত এক ৰাজহুৱা স্বাৰ্থ জড়িত আৱেদন দাখিল কৰিছিল। এই আৱেদনৰ জৰিয়তে ৰাজ্যত সংঘটিত হোৱা এনকাউণ্টাৰবোৰৰ চি বি আই (CBI) অথবা বিশেষ তদন্তকাৰী কোষৰ জৰিয়তে তদন্ত বিচাৰিছিল অধিবক্তাগৰাকীয়ে।