অসম

CHANGE LANGUAGE

অসমীয়া

ENGLISH हिन्दी मराठी ગુજરાતી தமிழ் ಕನ್ನಡ বাংলা മലയാളം తెలుగు ਪੰਜਾਬੀ اردو ଓଡ଼ିଆ

WATCH LIVE TV

DOWNLOAD APP

FOLLOW US ON

Choose your district

মুখ্যপৃষ্ঠা »খবৰ »অসম »গুৱাহাটী পালে বিহাৰত গ্ৰেপ্তাৰ কৰা ঠিকাদাৰ মিঠু আগৰৱাল, মুখ্যমন্ত্ৰীৰ তদাৰকী কোষে বিচাৰিব ১০ দিনৰ জিম্মাত

গুৱাহাটী পালে বিহাৰত গ্ৰেপ্তাৰ কৰা ঠিকাদাৰ মিঠু আগৰৱাল, মুখ্যমন্ত্ৰীৰ তদাৰকী কোষে বিচাৰিব ১০ দিনৰ জিম্মাত

শুকুৰবাৰে বিহাৰত কৰা গ্ৰেপ্তাৰ কৰিছিল মিঠু আগৰৱালক

কিছুসময় পূৰ্বে মুখ্যমন্ত্ৰী তদাৰকী কোষৰ কাৰ্যালয় আহি পাইছে মিঠু। উল্লেখযোগ্য যে, গুৱাহাটী পৌৰ নিগমৰ বোকা কেলেংকাৰীৰ মূল অভিযুক্ত আছিল মিঠু আগৰৱাল। ডিনচান গ্লোবেল প্ৰাইভেট লিমিটেডৰ অংশীদাৰ আছিল মিঠু ৷

News18 Assam
Last Updated : December 04, 2022, 20:46 IST

BHASKAR JYOTI HAZARIKA

শুকুৰবাৰে বিহাৰত মুখ্যমন্ত্ৰীৰ তদাৰকী কোষে গ্ৰেপ্তাৰ কৰিছিল মিঠু আগৰৱালক। শনিবাৰে বিহাৰৰ আদালতৰ পৰা ট্ৰেনজিৎ ৰিমাণ্ডত লোৱা হয় মিঠুক ৷

খবৰ অনুসৰি, কিছুসময় পূৰ্বে মুখ্যমন্ত্ৰী তদাৰকী কোষৰ কাৰ্যালয় আহি পাইছে মিঠু। উল্লেখযোগ্য যে, গুৱাহাটী পৌৰ নিগমৰ বোকা কেলেংকাৰীৰ মূল অভিযুক্ত আছিল মিঠু আগৰৱাল। ডিনচান গ্লোবেল প্ৰাইভেট লিমিটেডৰ অংশীদাৰ আছিল মিঠু ৷

ডিনচানৰ স্বত্বাধিকাৰী দীনেশ জয়ছোৱালৰে মিলি মিঠু আগৰৱালে সংঘটিত কৰিছিল বিয়াগোম কেলেংকাৰী। গাড়ীৰ ভূৱা পঞ্জীয়ন নম্বৰ দেখুৱাই উলিয়াই নিছিল ঠিকাৰ বিল। শ শ ভূৱা চালান প্ৰস্তুত কৰিছিল ধৃত মিঠু আগৰৱালাই। তদুপৰি, ভূৱা চীল-চহীৰে উলিয়াই নিছিল বোকা নিষ্কাষণৰ নামৰ বিল ৷

উল্লেখযোগ্য যে, মাষ্টাৰ মাইণ্ড মিঠু আৰু দীনেশে মেনেজ কৰিছিল গুৱাহাটী পৌৰ নিগমৰ ১১ বিষয়া-অভিযন্তাক। ৪৪ দিন ধৰি পলাই আছিল এই কেলেংকাৰীৰ মাষ্টাৰ মাইণ্ড মিঠু আগৰৱাল ৷

জানিব পৰা অনুসৰি, পশ্চিম বংগ আৰু বিহাৰৰ বহু স্থানত আত্মগোপন কৰি আছিল কুখ্যাত মিঠুৱে। শুকুৰবাৰে নিশা বিহাৰৰ চুপাল জিলাৰ ত্ৰিবেণীগঞ্জৰ পৰা গ্ৰেপ্তাৰ হয় মিঠু। চিএম ভিজিলেঞ্চৰ ৪ জনীয়া এটা দলে গ্ৰেপ্তাৰ কৰে কুখ্যাত মিঠু আগৰৱালক।

গ্ৰেপ্তাৰৰ পিছতে শনিবাৰে মিঠুৰ বেলতলাৰ ঘৰতো অভিযান চলাই ভিজিলেঞ্চে। অভিযানত জব্দ কৰিছে কেলেংকাৰীৰ বহু আপত্তিজনক নথি-পত্ৰ। দেওবাৰে পুৱা প্ৰায় ১০ বজাত বিহাৰৰ পৰা আহি পায় মিঠু আগৰৱাল। মুখ্যমন্ত্ৰী তদাৰকী কোষে ১০ দিনৰ জিম্মাত বিচাৰিব মিঠু আগৰৱালক।