Conspiracy by ola and uber authority in guwahati

মুখ্যপৃষ্ঠা »খবৰ »অসম »Ola Uber Cab Service: অ'লা-উবেৰ কেব সেৱাৰ নামত মাধমাৰ বাহুজাতিক কোম্পানীৰ

//

চালকসকলে অভিযোগ কৰে যে বহুজাতিক প্ৰতিস্থান দুটাই বহু মাহ ধৰি জি এচ টি, কমিচনৰ নামত মাধমাৰ সোধাই আহিছে । ইপিনে হাই ডিমাণ্ডৰ নামত যাত্ৰীসকলকো মাধমাৰ সোধোৱাৰ অভিযোগ উঠিছে ।

News18 Assam
Last Updated : March 25, 2023, 17:31 IST

News18 Assam

গুৱাহাটী, ২৫ মাৰ্চ: অ'লা-উবেৰ কেব সেৱাৰ নামত চালক তথা মালিকক ৰামঠগন বহুজাতিক কোম্পানীৰ । অ’লা-উবেৰ নামৰ প্ৰতিষ্ঠান দুটাই চালকসকলৰ পৰা ১০০ টকাৰ বিপৰীতে ৩০-৫০ শতাংশ কমিছন কাটি ৰখাৰ অভিযোগ কেব চালকসকলৰ ।

বহুবাৰ অ'লা-উবেৰৰ কেব বন্ধৰ কাৰ্যসূচী মালিকপক্ষ তথা চালকসকলে হাতত লৈছে যদিও আজিও সফল হ'ব পৰা নাই । কিয়নো প্ৰতিটো মুহূৰ্ততে প্ৰতিস্থান দুটাই মালিক তথা চালকসকলক অৱহেলা কৰা দেখিবলৈ পোৱা যায় ।

অন্যহাতে চালকসকলে অভিযোগ কৰে যে বহুজাতিক প্ৰতিস্থান দুটাই বহু মাহ ধৰি জি এচ টি, কমিচনৰ নামত মাধমাৰ সোধাই আহিছে । ইপিনে হাই ডিমাণ্ডৰ নামত যাত্ৰীসকলকো মাধমাৰ সোধোৱাৰ অভিযোগ উঠিছে ।

ইয়াৰোপৰি গুৱাহাটীত প্ৰতিস্থান দুটাৰ স্থায়ী কাৰ্যালয় নাই বুলি প্ৰতিক্ৰিয়া প্ৰকাশ কৰাৰ লগতে তৃতীয় পক্ষৰ দ্বাৰা বহুজাতিক প্ৰতিস্থানকেইটাই গুৱাহাটীত বেহা চলোৱাৰ অভিযোগ উত্থাপন কৰে চালকসকলে । বহুবাৰ চালকসকলে বৈঠক অনুস্থিত কৰাৰ লগতে কেব মজদুৰ সংঘইয়ো বহুবাৰ প্ৰতিবাদ সাব্যস্ত কৰাৰ পাচতো কোনো কানসাৰ নাই বহুজাতিক কোম্পানী দুটাৰ ।