CM Himanta Biswa Sarma : মাজুলীৰ পৰা উভতিয়েই ব্যস্ত হৈ পৰিল মুখ্যমন্ত্ৰী, ভূটানৰ কনছুলেট জেনেৰেলৰ সৈতে হিমন্ত বিশ্ব শৰ্মাৰ গুৰুত্বপূৰ্ণ সাক্ষাৎকাৰ

ৰাস পূৰ্ণিমাৰ দিনটোত মাজুলীত এটা দিন আৰু এটা নিশা কটাই ৰাজধানী দিছপুৰলৈ উভতি আহিল মুখ্যমন্ত্ৰী Himanta Biswa Sarma ৷ উভতি আহিয়েই বিভিন্ন চৰকাৰী কাৰ্যসূচীত অংশগ্ৰহণ কৰে মুখ্যমন্ত্ৰীয়ে ৷ ইয়াৰ মাজতে আজি মুখ্যমন্ত্ৰী ড° শৰ্মাই ভূটানৰ কনছুলেট জেনেৰেল (The consulate general of Bhutan in Guwahati) ফুব শ্বেৰিঙৰ সৈতে এক সৌহাৰ্দ্যপূৰ্ণ সাক্ষাৎকাৰত মিলিত হয়৷

এই সাক্ষাৎকালত অসম আৰু ভূটানৰ মাজৰ পাৰস্পৰিক স্বাৰ্থজনিত বিভিন্ন বিষয় সন্দৰ্ভত আলোচনা কৰে ৷ দুয়োটা ভৌগোলিক অঞ্চলৰ উন্নয়নমূলক কাৰ্য ব্যৱস্থাসমূহ অটুট ৰাখি এই সম্পৰ্ক অধিক শক্তিশালী কৰিবলৈ দুয়োজন প্ৰতিশ্ৰুতিবদ্ধ বুলি মুখ্যমন্ত্ৰী ড° শৰ্মাই মন্তব্য কৰে ৷