Lockdown In Assam : অসমত ১৫ দিনৰ লকডাউনৰ সম্ভাৱনা! আজিয়েই ঘোষণা কৰিব পাৰে নতুন চৰকাৰে! কোৰোণাৰ বিৰুদ্ধে কঠোৰ হোৱাৰ ইংগিত মুখ্যমন্ত্ৰী হিমন্ত বিশ্বৰ।

মুখ্যপৃষ্ঠা »খবৰ »অসম »Lockdown In Assam : অসমত ১৫ দিনৰ লকডাউনৰ সম্ভাৱনা! আজিয়েই ঘোষণা কৰিব পাৰে নতুন চৰকাৰে! কোৰোণাৰ বিৰুদ্ধে কঠোৰ হোৱাৰ ইংগিত মুখ্যমন্ত্ৰী হিমন্ত বিশ্বৰ।

আজি হ’ব নতুন চৰকাৰৰ প্ৰথমখন কেবিনেট বৈঠক। এই বৈঠকতে লকডাউন ঘোষণাক লৈ চৰকাৰে কঠোৰ সিদ্ধান্ত লোৱাৰ পূৰ্ণ সম্ভাৱনা আছে।

News18 Assam
Last Updated : May 11, 2021, 12:26 IST

News18 Assam

অসমত ১৫ দিনৰ বাবে লকডাউন ঘোষণাৰ সম্ভাৱনা প্ৰকট হৈ পৰিছে! আজিয়েই এই সন্দৰ্ভত এক সিদ্ধান্ত ল’ব পাৰে হিমন্ত বিশ্ব শৰ্মাৰ চৰকাৰে।

আজি সন্ধিয়া জনতা ভৱনত হ’ব নতুন চৰকাৰৰ প্ৰথমখন কেবিনেট বৈঠক। এই বৈঠকতে লকডাউন ঘোষণাক লৈ চৰকাৰে কঠোৰ সিদ্ধান্ত লোৱাৰ পূৰ্ণ সম্ভাৱনা আছে। সোমবাৰেই ছচিয়েল মিডিয়াযোগে এনে এক ইংগিত দিছিল নৱ নিযুক্ত মুখ্যমন্ত্ৰী হিমন্ত বিশ্ৱ শৰ্মাই।

#AssamCovidUpdate

I visited GMCH and along with Pr Secy Health, Guwahati Police Commissioner, DC Kamrup and other health officials, discussed strict measures that need to be deployed over next 15 days to contain #COVID19. In view of escalating cases, we need tough measures. pic.twitter.com/0YvmzXOLTD

— Himanta Biswa Sarma (@himantabiswa) May 10, 2021

কোৰোণাৰ বৰ্দ্ধিত সংক্ৰমণৰ প্ৰতি লক্ষ্য ৰাখি ১৫ দিনৰ বাবে কঠোৰ পদক্ষেপ গ্ৰহণৰ ইংগিত দিছে মুখ্যমন্ত্ৰীয়ে। পিছে লকডাউন দিব নে বাধা নিষেধ অধিক কঠোৰ কৰিব সেয়া নিশ্চিত কৰা নাই। শীঘ্ৰেই এই সন্দৰ্ভত নতুন মুখ্যমন্ত্ৰীয়ে ঘোষণা কৰাৰ সম্ভাৱনা আছে।

উল্লেখ্য যে সোমবাৰে অসমত নতুনকৈ কোৰোণাত আক্ৰান্ত হৈছে ৫,৮০৩ গৰাকী লোক আৰু মৃত্যু মুখত পৰিছে ৭৭ গৰাকী।