"প্ৰতিবাদো কৰিম, পৰীক্ষাও দিম", CAAৰ বিৰুদ্ধে অভিনৱ প্ৰতিবাদ গুৱাহাটী বিশ্ববিদ্যালয়ৰ পৰীক্ষাৰ্থীৰ

নাগৰিকত্ব সংশোধনী আইনক লৈ তীব্ৰ ক্ষোভ আৰু প্ৰতিবাদৰ মাজতে আজিৰে পৰা আৰম্ভ হৈছে গুৱাহাটী বিশ্ববিদ্যালয়ৰ স্নাতকোত্তৰ পৰীক্ষা। প্ৰতিবাদো কৰিম, পৰীক্ষাও দিম, এই মূলমন্ত্ৰৰে পৰীক্ষা দিবলৈ আহিছে ছাত্ৰ–ছাত্ৰী। পুৱাই পৰীক্ষা দিবলৈ আহিল ছাত্ৰ–ছাত্ৰী। কিন্তু পৰীক্ষা দিবলৈ আহোতেও নাগৰিকত্ব সংশোধনী আইনৰ বিৰুদ্ধে বিৰোধ প্ৰদৰ্শন কৰিলে পৰীক্ষাৰ্থীয়ে।





উল্লেখযোগ্য যে গুৱাহাটী বিশ্ববিদ্যালয়ৰ শিক্ষাৰ্থীসকলক অধ্যয়ন আৰু সংগ্ৰাম একেলগে অব্যাহত ৰখাৰ কাৰণে আহ্বান জনাইছিল সদৌ অসম ছাত্ৰ সন্থাই। ছাত্ৰ–ছাত্ৰীসকলক ক’লা বেজ পৰিধান কৰি পৰীক্ষা গৃহত বহাৰ আহ্বান জনাইছিল সদৌ অসম ছাত্ৰ সন্থাই। দেওবাৰে সমূহ আবাস-নিবাসত গুৱাহাটী বিশ্ববিদ্যালয় আছু গোট আৰু বিশ্ববিদ্যালয় আইন মহাবিদ্যালয় আছু গোটৰ তৰফৰ পৰা এই বেজসমূহ বিতৰণ কৰা হৈছিল।